قازىر اۋدان ورتالىعىندا 9 شاعىن فۋتبول الاڭى بار. ولاردىڭ باسىم كوپشىلىگى تەمىرجولدىڭ بەرگى بەتىندە ورنالاسقان. ال 10 مىڭنان اسا تۇرعىنى بار 5 كۆارتال ايماعىندا جالعىز سپورت الاڭى بار.
وسىعان وراي بيىل وسى ايماقتان 2 شاعىن فۋتبول الاڭىن سالۋ جوسپارلانىپ وتىر. ونىڭ ءبىرى دۋلاتوۆ پەن الىپباەۆ كوشەلەرىنىڭ قيىلىسىندا ورنالاسسا, ەكىنشىسى جەتەس بي مەن ەلحوۆنيكوۆ كوشەلەرى تۇيىسكەن جەرگە سالىنادى.
سپورت الاڭدارىن سالۋ ءۇشىن اۋداندىق بيۋدجەتتەن قارجى ءبولىندى. جاقىن كۇندەرى مەملەكەتتىك ساتىپ الۋ كونكۋرسى جاريالانىپ, جەڭىمپاز مەكەمە انىقتالادى.
وتكەن جىلى وسى اۋدانداعى اقتان باتىر اۋىلىندا 150 ورىندىق ستاديون قۇرىلىسى باستالىپ, بيىل اياقتالدى.
