ايتۋلى ۇيىمنىڭ اتقارۋ كوميتەتىنىڭ مۇشەلەرى ءدال وسىنداي شەشىم قابىلداعانىنا ەش تاڭدانۋعا بولماس. ويتكەنى, بۇگىنگى تاڭدا تاتارستاندا سپورتتىڭ كوپتەگەن تۇرلەرى قارقىندى دامۋدا. سولاردىڭ قاتارىندا فۋتبول دا بار. 2013 جىلى سالىنعان «قازان ارەنا» رەسەيدەگى ەڭ كورىكتى ستاديونداردىڭ ءبىرى ءارى بىرەگەيى. ول جەردە وتەتىن ماتچتاردى 45 379 كورەرمەن تاماشالاي الادى. 2017 جانە 2018 جىلدارى «قازان ارەنادا» كونفەدەراتسيا كۋبوگى جانە الەم چەمپيوناتتارىنىڭ باسەكەلەرى وتكەن.
ال وعان دەيىن ۋەفا سۋپەركۋبوگى ءۇشىن باسەكەلەردى پورتۋگاليانىڭ پورتۋ قالاسىنداعى «دراگۋ» (2020 جىلى), سولتۇستىك يرلانديانىڭ بەلفاست شاھارىنداعى «ۋيندزور پارك» (2021 جىلى) جانە فينليانديانىڭ استاناسى – حەلسينكيدەگى وليمپيادالىق ستاديون (2022 جىلى) قابىلدايدى.
