كاسىپقوي بوكس • 03 ناۋرىز، 2020

كاسىپقوي بوكس: WBA رەيتينگى جاڭارتىلدى

133 رەتكورسەتىلدى

بۇكىلالەمدىك بوكس قاۋىمداستىعىنىڭ (WBA) جاڭارتىلعان رەيتينگىنەن قازاقستاندىق ءۇش ورەننىڭ ەسىمدەرىن كەزىكتىردىك. 

جەرلەستەرىمىزدىڭ اراسىنان ەڭ ۇزدىك ناتيجە ەكىنشى ورتا سالماقتاعى ايدوس ەربوسىن ۇلىنا تيەسىلى. WBO Global جانە WBC Asia نۇسقالارى بويىنشا التىن بەلبەۋدى يەلەنىپ وتىرعان 28 جاستاعى الماتى وبلىسىنىڭ تۋماسى ۇزدىكتەر تىزىمىندە ەكىنشى ورىندى يەلەنۋدە. ول وسى كۇنگە دەيىن ءوزى وتكىزگەن 13 كەزدەسۋدىڭ بارلىعىندا جەڭىسكە جەتىپ، توعىز قارسىلاسىن نوكاۋتقا جىبەردى. 

جارتىلاي ورتا سالماقتاعى نۇرسۇلتان جاڭاباەۆ جەتىنشى ورىندى يەلەندى. جامبىل وبلىسىندا تۋىپ-وسكەن 27 جاستاعى بىلعارى قولعاپ شەبەرى سەگىز رەت رينگكە كوتەرىلىپ، بارلىعىندا باسىمدىق تانىتتى. بەس باسەكەنى مەرزىمىنەن بۇرىن اياقتادى. قازىرگى كەزدە ول WBA Inter-Continental، WBO Oriental جانە IBF Australasian نۇسقالارىنىڭ چەمپيوندىق بەلبەۋىنىڭ يەگەرى.  

ءبىرىنشى جارتىلاي ورتا سالماقتاعى WBA Continental Americas جانە IBF Inter-Continental نۇسقالارىنىڭ التىن بەلبەۋ يەگەرى باتىر جۇكەمباەۆ 15 ورىنعا تابان تىرەدى. ول 18 جەكپە-جەكتىڭ بارلىعىندا جەڭىس تويىن تويلاپ، 14 قارسىلاسىن سۇلاتىپ سالدى.

سونداي-اق، تاعى ءبىر قانداسىمىز بەيبىت شۇمەنوۆتىڭ ءدال وسى نۇسقا بويىنشا تۇراقتى چەمپيون اتاعى بار ەكەنىن ەستەن شىعارمايىق. ول ءبىرىنشى اۋىر سالماقتا ونەر كورسەتۋدە.  

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

اۋىلدا سپورت كەشەنى سالىنۋدا

ايماقتار • بۇگىن، 09:28

قحل قىركۇيەكتە باستالادى

سپورت • بۇگىن، 08:09

ۇقساس جاڭالىقتار