ءباسپاسوز قازمەتىنىڭ مالىمەتتەرىنە قاراعاندا, مەسسەندجەرلەر ارقىلى مەملەكەتتىك الەۋمەتتىك ساقتاندىرۋ قورى (بۇدان ءارى – ماسق) 1991-2019 جىلدار ارالىعىندا جۇمىس ىستەتەگەن ازاماتتارعا 600 مىڭ تەڭگە مولشەرىندە جاردەماقى تولەپ جاتقاندىعى تۋرالى اقپارات شىندىققا جاناسپايدى.
مىندەتتى الەۋمەتتىك ساقتاندىرۋ جۇيەسى قازاقستاندا 2005 جىلدان باستاپ ەنگىزىلگەن جانە ەڭبەك ەتۋ قابىلەتىنەن, اسىراۋشىسىنان, جۇمىسىنان ايىرىلعان جاعدايدا, جۇكتىلىك جانە بوسانۋ نەمەسە جاڭا تۋعان بالانى (بالالاردى) اسىراپ الۋعا, سونداي-اق 1 جاسقا دەيىنگى بالانىڭ كۇتىمىنە بايلانىستى تابىسىنان ايىرىلعان جاعدايلاردا جۇمىس ىستەيتىن ازاماتتاردى قولداۋدىڭ قوسىمشا دەڭگەيى بولىپ تابىلادى.
ياعني, وسى جاعدايلاردا جۇيەگە قاتىسۋشى نەمەسە ونىڭ وتباسى مەملەكەت تولەيتىن الەۋمەتتىك جاردەماقىعا قوسىمشا ماسق-تان الەۋمەتتىك تولەمدەر الادى. «ماسق بارلىق ازاماتتارعا بەيرەسمي دەرەككوزدەردەگى اقپاراتتارعا سەنبەۋ كەرەكتىگىن ەسكەرتەدى جانە كوپە-كورىنەۋ جالعان اقپاراتتى تاراتقان ادامنىڭ زاڭ بويىنشا جاۋاپقا تارتىلاتىندىعىن ەسكە سالادى.
ماسق قىزمەتى تۋرالى وزەكتى اقپارات www. gfss.kz رەسمي ينتەرنەت-رەسۋرسىندا ۇسىنىلعان»,- دەلىنگەن حابارلامادا.
