ايماقتار • 02 ناۋرىز، 2020

اتىراۋدا ۇكىمەتتىك ەمەس ۇيىم وكىلدەرى باس قوستى

46 رەتكورسەتىلدى

28 اقپاندا اتىراۋدا حالىقارالىق ۇەۇ كۇنىنە وراي  «NGO DAY» پىكىر الماسۋ الاڭى ءوتتى. شارانىڭ ماقساتى - ءتۇرلى سالاداعى ۇەۇ-داردىڭ باسىن قوسۋ، جاس جانە كاسىبي ۇەۇ-داردى قولداۋ، تاجىريبە الماسۋ، ازاماتتىق سەكتور – بيزنەس قۇرىلىم وكىلدەرى – مەملەكەتتىك ورگاندار اراسىنداعى بايلانىستى نىعايتۋ، ارىپتەستىك ورناتۋ.

سالتاناتتى كەشتى اتىراۋ وبلىسى اكىمىنىڭ ورىنباسارى ايگۇل اجىعاليەۆا اشىپ، ۇەۇ باسشىلارىن وبلىس اكىمى ماحامبەت جولداسقالي ۇلىنىڭ العىس حاتىمەن ماراپاتتادى.

پىكىر الماسۋ الاڭىنا قالامىزداعى ۇەۇ وكىلدەرى جانە  الەۋمەتتىك كاسىپكەرلەر قاتىستى. Tedح فورماتىندا وتكەن شاراعا سپيكەر رەتىندە ء«بىز دە ادامبىز» قوعامدىق قورىنىڭ جەتەكشىسى گۇلناز قوسمۋرزيەۆا، «دوبروە سەردتسە» قوعامدىق قورىنىڭ جەتەكشىسى ۆەنەرا ماناسوۆا، «زلاتارۋ» قوعامدىق قورىنىڭ جەتەكشىسى نينا پەتروۆا، «جارقىن بولاشاق» قوعامدىق قورىنىڭ جەتەكشىسى دانا عاسىربەك قاتىستى. ولار ۇەۇ-عا بايلانىستى ءوز وقيعالارىمەن ءبولىستى.

شارادا «دارحان» بي ستۋدياسى، ازيزا اۋباكيروۆا، ەرجان مىرزاحمەتوۆ ءوز ونەرلەرىن كورسەتىپ، سالتاناتتى كەشتىڭ كوركىن اشتى.

سالتانات راحيموۆا، «ادامگەرشىلىك» قوعامدىق قورىنىڭ جەتەكشىسى:

ء«بىز دە ادامبىز» دەپ اتالاتىن قق جەتەكشىسى گۋلناز كوسمۋرزيەۆانىڭ، مۇمكىندىگى شەكتەۋلى بالالارعا ارنالعان تۆورچەستۆولىق ورتالىق «ماستەرسكايا زلاتارۋ» قق جەتەكشىسى ن.ا.پەتروۆانىڭ، يەسىز ءۇي جانۋارلارىن قامقورلايتىن «مەيىرىمدى جۇرەك» پيتومنيگى جەتەكشىسى ۆەنەرا ماناسوۆانىڭ ءوز تاريحىمەن بولىسكەن اسەرلى سوزدەرى ءبارىمىزدىڭ جۇرەگىمىزدى تەربەتتى. ناعىز مىقتى ادامدار دەپ وسىلاردى ايتۋ كەرەك! وزدەرىنىڭ پروبلەمالارىن ىسىرىپ قويىپ، وزگەلەرگە كومەك كورسەتىپ جۇرگەن وسى جانداردىڭ تاريحى بىزگە ۇلكەن ىستەرگە ۇندەۋ تاستاعانداي بولدى. قاراپايىم تۇرعىندارعا قۇقىقتىق كومەك كورسەتۋمەن اينالىسىپ جۇرگەن ءبىزدىڭ «ادامگەرشىلىك» اتتى ۇكىمەتتىك ەمەس ۇيىمىمىز دا ازاماتتىق قوعامنىڭ كىرپىشىن قالاۋعا ات سالىسىپ جۇرگەنىنە قۋاندىم. دوستار، ءومىردى وزگەرتۋ، ونى كوركەيتۋ ءبارىمىزدىڭ قولىمىزدان كەلەدى! وتە اسەرلى كەشتە كوپتەگەن پىكىرلەس دوستارمەن تانىسىپ، كوڭىل كوكجيەگىم كەڭەيىپ قايتتى. راحمەت، ازاماتتىق ورتالىق! راحمەت، ايگەرىم جاردەمقىزى! راحمەت بارىڭىزگە، پىكىرلەس دوستارىم! ازاماتتىق قوعامنىڭ بەلسەندىلىگى ارتا بەرسىن!

 گۇلبارام ەرمۇحانوۆا، «جۇرەكتەن جۇرەككە» قوعامدىق قورىنىڭ جەتەكشىسى:

وسى ۋاقىت ارالىعىندا «جۇرەكتەن جۇرەككە» قوعامدىق قورىنىڭ ماراپاتتارىن السام،وسى جولى ءوز ەڭبەگىمدى باعالاپ،ماراپاتتالىپ جاتىرمىن. ارينە، ءالى دە جۇمىسىمدىڭ ناتيجەسىن كورسەتىپ،ءالى تالاي ماراپاتتالامىن دەگەن سەنىمىم مول. بۇل ماراپاتتاۋ ماعان العا جىلجۋعا تاعى ءبىر موتيۆاتسيا بولدى.سىزدەرگە راحمەت! ازاماتتىق ورتالىق تاعى ءبىر شارانى جوعارعى دەڭگەيدە ۇيىمداستىرىپ،بىزگە كەرەمەت مەرەكەلىك كوڭىل-كۇي سىيلادى. العىس ايتامىن. ماراپات يەلەرىن دە شىن جۇرەكتەن قۇتتىقتايمىن!

شاراعا قاتىسۋشىلار ءوزارا تاجىريبە الماسىپ، ەرەكشە اسەرمەن قايتتى.

ايتا كەتەيىك، العاش رەت حالىقارالىق ۇەۇ كۇنىن رەسمي تۇردە بالتىق تەڭىزى ەلدەرىنىڭ 12 مەملەكەتى 2010 جىلدىڭ 17 اقپانىندا ۆيلنيۋس، ليتۆادا وتكەن بالتىق تەڭىزى ايماعىنىڭ IX ۇەۇ فورۋمىنىڭ 8-ءشى سامميتىندە جاريالادى. رەسمي تۇردە دۇنيەجۇزىلىك ۇەۇ كۇنى 2014 جىلعى 27 اقپاننان باستاپ فينليانديانىڭ حەلسينكي قالاسىندا حالىقارالىق دەڭگەيدە اتالىپ ءوتىلدى.

قازىرگى تاڭدا اتىراۋ وبلىسى بويىنشا 691 ۇەۇ ۇيىم تىركەلگەن. بەلسەندى ارەكەت ەتۋشى ۇەۇ سانى – 147.

سوڭعى جاڭالىقتار

ۇقساس جاڭالىقتار