«بۇگىنگى تاڭدا قىتايدان 480 قازاقستاندىق ەۆاكۋاتسيالاندى. 2020 جىلدىڭ 3 اقپانىنان باستاپ قىتايداعى بارلىق شەتەلدىك ازاماتتارعا ۆيزا بەرۋ توقتاتىلدى. 5 ناۋرىزدان باستاپ ازەربايجانعا ۇشاتىن رەيستەر قىسقارىپ, يران ازاماتتارىنىڭ قازاقستانعا كىرۋىنە تىيىم سالىندى. ءبىزدىڭ ازاماتتارعا ەپيدەميولوگيالىق قاۋپى جوعارى ەلدەرگە بارۋدان باس تارتۋعا كەڭەس بەرىلەدى », - دەدى ول.
ءمينيستردىڭ ايتۋىنشا, بۇل ەلدەردە 95 مىڭنان استام قازاقستان ازاماتتارى تۇرادى, ولاردىڭ 35 مىڭى - كورەيادا, 40 مىڭى - امەريكادا, 5100 – ءباا-دە, 5000 - گەرمانيادا, 3000 - ۇلىبريتانيادا, 1800 - يتاليادا, 1000 ادام فرانتسيادا.
«ولاردىڭ كوپشىلىگى ستۋدەنتتەر, ميگرانتتار, شەتەلدىك مەكەمەلەردىڭ قىزمەتكەرلەرى جانە ولاردىڭ وتباسىلارى, تۋريستەر مەن بيزنەسمەندەر. ەگەر ەپيدەميولوگيالىق جاعداي ناشارلاسا, قازاقستاندىقتاردى ەۆاكۋاتسيالاۋ ماسەلەسى ۋاقىتىندا قارالادى. بۇگىنگى تاڭدا شەتەلدە جۇرگەن قازاقستاندىقتاردىڭ اراسىندا كوروناۆيرۋس اۋرۋى تىركەلگەن جوق», - دەدى سىرتقى ىستەر ءمينيسترى.
