سۋرەت Anadolu اگەنتتىگىنەن الىندى
انادولى اگەنتتىگىنىڭ اقپاراتىنا سۇيەنسەك, اساد كۇشتەرىنىڭ اۋەگە قارسى قورعانىسقا ارنالعان ءۇش قۇرىلعىسى دا جويىلعان. ونىڭ بىرەۋى جاقىندا تۇركيا اۋە كۇشتەرىنىڭ ۇشقىشسىز اپپاراتىن اتىپ تۇسىرگەن بولاتىن.
تۇركيا ۇلتتىق قورعانىس ءمينيسترى حۋلۋسي اكار بۇگىن يدليب ايماعىندا «كوكتەمگى قالقان» وپەراتسياسىن وتكىزۋ تۋرالى جاريالادى.
قورعانىس ۆەدومستۆوسى باسشىسىنىڭ ايتۋىنشا, بۇل وپەراتسيا 27 اقپاندا تۇركيالىق 36 اسكەري قىزمەتكەردىڭ ءومىرىن قيعان اۋە سوققىسىنا قارسى جاۋاپ رەتىندە جۇرگىزىلىپ جاتىر.
ء«بىزدىڭ مىندەتىمىز – باشار اساد رەجيمىندەگى قىلمىستاردى بولدىرماۋ, راديكالداۋدى جويۋ جانە كوشى-قوننىڭ الدىن الۋ»,- دەپ اتاپ ءوتتى ح.اكار.
سونداي-اق قورعانىس ءمينيسترى تۇركيا سيريا اۋماعىندا رەسەيگە قارسى قارۋلى قاقتىعىستى كوزدەپ وتىرماعانىن ايتتى.
