2020 جىلدىڭ قاڭتارىندا قازاقستان اۋماعىندا جاسالعان قولما-قول اقشاسىز كارتوچكالىق تولەمدەر كولەمى 1 586,9 ملرد تەڭگەنى قۇراپ, وتكەن جىلدىڭ سايكەس كەزەڭىمەن سالىستىرعاندا 2,7 ەسەگە ارتتى. جەلتوقسانعا قاراعاندا تومەندەۋ 17%-دى قۇرادى, بالكىم, بۇل ماۋسىمدىق فاكتوردىڭ اسەرىمەن جانە ۇزاق جاڭا جىلدىق مەرەكەلەرگە بايلانىستى بولۋى مۇمكىن.
سونىمەن قاتار, قاڭتار ايىنىڭ قورىتىندىسى بويىنشا قازاقستان اۋماعىندا كارتوچكالار بويىنشا تولەمدەردىڭ جالپى كولەمىندەگى الماتى قالاسىنىڭ ۇلەسى وزگەرگەن جوق جانە 35%-دى قۇرادى. ودان ءارى نۇر-سۇلتان قالاسى – 17% (-1%), تۇركىستان وبلىسى جانە شىمكەنت قالاسى – 7% (+1%).
كارتوچكالار بويىنشا قولما-قول اقشاسىز تولەمدەر كولەمىنىڭ بانكوماتتارداعى قولما-قول اقشانى الۋعا قاتىناسى قاڭتاردا 123%-دان 139%-عا دەيىن ءوستى, بۇل قولما-قول اقشاسىز تولەمنىڭ بانكوماتتارداعى قولما-قول اقشانى الۋدان باسىم بولۋىنىڭ تۇراقتى ءۇردىسى ەكەنىن كورسەتەدى.
ەستەرىڭىزگە سالا كەتەيىك, 2019 جىلدىڭ قاڭتار ايىندا بۇل كورسەتكىش 48%-دى قۇرادى. بۇل جاعدايدا وپەراتسيالاردىڭ جالپى كولەمىندەگى قولما-قول اقشاسىز ترانزاكتسيالاردىڭ ۇلەسى (قولما-قول اقشاسىز تولەم جانە بانكوماتتاردان الۋ) 55%-دان 58%-عا دەيىن ءوستى.
2019 جىلعى جەلتوقسانىمەن سالىستىرعاندا, قولما-قول اقشاسىز تولەمدەر كولەمى بارلىق وڭىرلەردە تومەندەگەن. الايدا, قولما-قول اقشاسىز تولەمدەر جىلدىق ەسەپپەن ايتارلىقتاي ءوسىمدى كورسەتەدى. ەڭ ۇلكەن ءوسىم قىزىلوردا وبلىسىندا, تۇركىستان وبلىسىندا جانە شىمكەنتتە, اقتوبە وبلىسىندا بايقالادى.
