ءتىپتى قازاقستاننىڭ ىرگەلى ايماعىنىڭ بىرىندە وتكىزىلگەن كونفەرەنتسياعا كورشىلەس رەسەيدەن دە ارنايى كەلگەندەر بولدى. اتا-زاڭىمىزدىڭ ەل ومىرىندەگى اتقاراتىن باعا جەتپەس ماڭىزى مەن ءرولى جونىندە ايتىلعان وي-پىكىرلەر مەن تۇجىرىمداردىڭ باستى جەلىسى تومەندەگىشە ءوربىدى.
قاي مەملەكەتتە دە ونىڭ ءاربىر ازاماتىنىڭ ەرىك-جىگەرى مەن تاڭداۋى سول ەلدىڭ باستى زاڭى اياسىندا جۇزەگە اسادى. بۇل تۇجىرىمنىڭ ەلىمىزدىڭ اتا-زاڭىنا دا تىكەلەي قاتىسى بار. كونستيتۋتسيا قاعيداتتارى ساقتالعان, اياققا باسىلماعان, قۇرمەتتەلگەن ءارى ۇدايى نازاردا بولعان مەملەكەتتە عانا ساياس تۇراقتىلىق پەن بەرىك احۋال ورنىعا الادى. ەلىمىزدىڭ قازىرگى ساياسي-ەكونوميكالىق دامۋ دەڭگەيى وسىنداي ساياسي قۇندىلىقتارعا سايكەس كەلە الادى. مۇنىڭ باستى ارقاۋى رەسپۋبليكانىڭ 1995 جىلى قابىلدانعان كونستيتۋتسياسىنان تامىر تارتادى. ەلىمىزدىڭ باستى زاڭىنىڭ مەملەكەت پەن قازاقستاندىق قوعامنىڭ دامۋىنداعى لايىقتى ورنى مەن ءرولى قاشاندا جوعارى.
قازىرگى كەزدە قر كونستيتۋتسياسى بارلىق ۇلتتىق قۇندىلىقتار مەن ازاماتتىق قادىر-قاسيەتتىڭ نەگىزىنە اينالا العانى انىق. سونىمەن بىرگە باستى زاڭ مەملەكەتتىلىكتىڭ باستاۋى مەن بىرتۇتاستىعىنىڭ قاينار كوزى رەتىندە دە ورنىعىپ كەلەدى. اتا-زاڭىمىزدىڭ بيلىك پەن حالىق اراسىن جاقىنداتا ءتۇسۋ جونىندەگى اتقاراتىن ءرولى دە سولعىن تارتىپ كورگەن ەمەس. قازىر رەسپۋبليكامىزدا ونى تۇراقتىلىق پەن دەموكراتيا كەپىلى رەتىندە قابىلدايتىن ازاماتتاردڭ قاتارى جىلدىن-جىلعا ءوسىپ كەلەدى. سونداي-اق ەلىمىزدىڭ تىنىس-تىرشىلىگىنە ورەلى وزگەرىستەر اكەلە بىلگەن 1995 جىلى قابىلدانعان قازاقستان كونستيتۋتسياسىنىڭ قۇرىلىمى مەن جوباسى قالاي ازىرلەنگەنى دە ەل ازاماتتارىنىڭ جادىندا جۇرسە, مۇنىڭ ەشقانداي ارتىقشىلىعى بولماس ەدى. كونفەرەنتسيا كەزىندە بۇل ماسەلە جونىندە دە تانىمدىق اسەرى مول اڭگىمەلەر قوزعالعانى دا باسقوسۋدىڭ مازمۇنىن ودان ءارى كوتەرە تۇسكەندەي اسەر قالدىردى. ياعني بۇل ءجايتتى ءبىر اۋىز سوزبەن تۇيىندەسەك, وسىناۋ اسا جاۋاپتى كەزەڭدە الەمنىڭ 20 دان استام كونستيتۋتسيالارىنىڭ نۇسقالارى قاراستىرىلىپ, ونىڭ ەڭ وزىق ءتيىمدى دەگەن تۇستارى اتا-زاڭىمىزدى قۇرىلىمداۋ كەزىندە نازارعا الىنعانى دا اتاپ ايتۋعا تۇرارلىقتاي.
مىنە, وسىلايشا ارادا 25 جىل وتكەن كەزدە ءتول كونستيتۋتسيامىزدىڭ باستى ەرەجەلەرى مەن تارماقتارى اياسىندا ازاماتتاردىڭ ەلىمىزدە ءومىر ءسۇرۋ مەن ەڭبەك ەتۋ جانە دەم الۋ مەن دەنساۋلىقتارىن كۇتۋ ساپاسى الدەقايدا جاقسارا تۇسكەنى كامىل. سونىمەن بىرگە وسى ۋاقىت ارالىعىندا ۇلتقا پايداسىن تيگىزە الاتىنداي ءتيىمدى ەكونوميكا تەتىكتەرى جاساقتالىپ, دەموكراتيالىق قوعامنىڭ نەگىزدەرى قالانعانى دا اتا-زاڭىمىزدىڭ تيگىزگەن شاپاعاتى دەۋگە تولىق نەگىز بار. ءسويتىپ اقتوبە وتكىزىلگەن كەڭ تىنىسقا تولى كونفەرەنتسيا رەسپۋبليكا كونستيتۋتسياسىنىڭ مۇنداي ارتىقشىلىقتارى مەن ەرەكشەلىكتەرىن ەگجەي-تەگجەيلى تارقاتىپ بەردى.
