ءبىر قىزىعى, بۇل باستامانىڭ اۆتورى – ورال قالاسىندا تۇراتىن نۇراي تەمىرعالي ەسىمدى ستۋدەنت قىز ەكەن. ەكى جىل بۇرىن 17 جاسقا تولعان تۋعان كۇنىن دوستارىمەن بىرگە تويلاۋدان باس تارتىپ, ونىڭ ورنىنا قالالىق ساياباققا 17 جەمساۋىت ورناتقان ونىڭ ەرەكشە قادامى تۋرالى «Egemen Qazaqstan» گازەتى «تۋعان كۇنى - تورعايعا سىي» اتتى ماقالامەن حابارلاعان بولاتىن.
بيىلعى ەرىكتىلەر جىلى نۇراي ءوزى اينالىسىپ جۇرگەن ساۋاپتى ءىس جايلى www.volunteer07.kz سايتىنا جازىپ, پىكىرلەستەرىن كوكتەمگى جىل قۇستارىنا ۇياشىق جاساۋعا شاقىرعان ەكەن. ونى قولداۋشىلاردىڭ قاتارىندا ءوڭىر باسشىسى دا قوسىلعان.
- قۇستار – تابيعات سانيتارى, ءبىزدىڭ قاناتتى دوسىمىزعوي. بۇلاردىڭ كوپ بولۋى ەڭ الدىمەن تىرشىلىككە ءتيىمدى. ورنيتولوگتاردىڭ زەرتتەۋىنشە قىستاپ قالاتىن قۇستاردىڭ 80%-ى جەم تابا الماي قىرىلىپ قالاتىن كورىنەدى. اسىرەسە ءبىزدىڭ ورالدا قىستا قۇسقا ازىق تاپشى بولادى. ال نيەتى بولسا, قۇستارعا كومەكتى ءار ادام دا بەرە الادى. بۇل باستاماعا وبلىس اكىمىنىڭ ءوزى نازار اۋدارعانىنا قۋانىشتىمىن. مەنىڭ كىشكەنتاي عانا يدەياما قولداۋ ءبىلدىرىپ, ارنايى كەلگەن عالي ەسقاليەۆقا جانە جاستارعاالعىسىمدى جەتكىزگىم كەلەدى.- دەيدى نۇراي.
وسى يگى ىسپەن اينالىسىپ جۇرگەنىنە ءۇش جىلعا تاياعان نۇراي قۇستار مەن ولاردىڭ پايداسى تۋرالى كوپ مالىمەتكە قانىققان. ءتىپتى 1958 جىلى قىتايدا قۇستاردى «اۋىل شارۋاشىلىعىنىڭ قاس جاۋى» رەتىندە جويىپ جىبەرگەندە, 30 ملن حالىقتىڭ اشتان قىرىلعانى تۋرالى دەرەكتەردى الەۋمەتتىك جەلىدە ءجيى جاريالاپ وتىرادى. ايتا كەتەيىك, ورالدىق بويجەتكەننىڭ وسى باستاماسى 2019 جىلدىڭ سوڭىندا الماتىدان شىققان «ەكوسوفيا نەمەسە كيەلى تابيعات» كىتابىنا دا ەنگەن بولاتىن.
