رەسپۋبليكالىق تاعزىم ەستافەتاسى ىشكى ىستەر ءمينيسترى پوليتسيا گەنەرال-لەيتەنانتى تۇرعىمباەۆ ەرلان زامانبەك ۇلىنىڭ نۇسقاۋىمەن باستالعنا بولاتىن. بۇل تۋرالى ماڭعىستاۋ وبلىستىق پوليتسيا دەپارتامەنتى حابارلادى.
داڭقتى جاۋىنگەرلىك جولى ماسكەۋدەن بەرلينگە دەيىن جالعاسقان كەڭەس وداعىنىڭ باتىرى گەنەرال-مايور ي.ۆ.پانفيلوۆ اتىنداعى 8-ءشى گۆارديالىق موتواتقىش ديۆيزياسىنىڭ جاۋىنگەرلىك تۋىنىڭ كوشىرمەسىن تاپسىرۋ ءۇشىن سالتاناتتى تۇردە شەرۋ ءوتتى.بۇل ەستافەتانىڭ ماقساتى – ەكىنشىدۇنيەجۇزىلىك سوعىستاعى قازاقستاندىق جاۋىنگەرلەردىڭ ۇلى ەرلىكتەرىنە تاعزىم ەتۋ, شايقاستا قازا بولعان جانە سوعىستان كەيىنگى ۋاقىتتا ومىردەن وزعان ءار ساربازدىڭ جەكە ەرلىگى الدىندا باس ءيىپ, قۇرمەت كورسەتۋ.
ەستافەتا بارىسىندا جاۋىنگەرلىك تۋدىڭ كوشىرمەسى 3 رەسپۋبليكالىق ماڭىزى بار قالادا, 14 وبلىس ورتالىعىندا بولادى.
قازاقستان اۋماعى بويىنشا جولدىڭ ۇزىندىعى تەمىرجول جانە اۆتوموبيل جولىمەن 11 مىڭ شاقىرىمدى قۇرايدى.
5 اقپاننان باستاپ بۇگىنگى كۇنگە دەيىن جاۋىنگەرلىك تۋ كوشىرمەسى الماتى, قاسكەلەڭ, ۇزىناعاش, قاراكەمەر, تالدىقورعان, تاراز, شىمكەنت, تۇركىستان جانە قىزىلوردا, اتىراۋ قالالارىندا بولدى.
ءارى قاراي تۋ ەلىمىزدىڭ 9 ءىرى قالالارىنا ءوز جولىن جالعاستىرىپ, كەيىن 7 مامىر كۇنى نۇر-سۇلتان قالاسىندا وتەتىن جەڭىس پارادىندا ءوز جولىن اياقتايدى.
شارادا ماڭعىستاۋ وبلىسى اكىمدىگى, پوليتسيا دەپارتامەنتى, اسكەري بولىمدەر باسشىلارى, ەكىنشىدۇنيەجۇزىلىك سوعىس ارداگەرلەرى ءسوز سويلەدى.
الاڭدا قۇقىق قورعاۋ ورگاندارى مەن اسكەري بولىمدەردىڭ جەكە قۇرامى بىرىنەن سوڭ ءبىرى ساپ قۇرادى. سالتاناتتى جيىنعا جينالعان جۇرت ءوز جاندارىن بەيبىت ءومىر ءۇشىن قيعان جاۋىنگەرلەردىڭ رۋحىن ءبىر ءسات ۇنسىزدىكپەن ەسكە الدى.
شەرۋدى 8-ءشى گۆارديالىق ديۆيزيا جەكە قۇرامى باستاپ, قازاقستان رەسپۋبليكاسى ۇلتتىق ۇلان, تەڭىز جاياۋ اسكەرى, پوليتسيا دەپارتامەنتى, توتەنشە جاعدايلار دەپارتامەنتى, قىلمىستىق-اتقارۋ جۇيەسى دەپارتامەنتىمەن قوسا بارلىق اسكەري بولىمدەردىڭ جەكە قۇرامى ساپ تۇزەپ ءجۇرىپ ءوتتى.
سونىمەن قاتار, «جاس سارباز» اسكەري-پاتريوتتىق كلۋبىنىڭ تاربيەلەنۋشىلەرىنەن قۇرالعان قۇرام دا شەرۋمەن بىرگە بولدى.
قازىرگى تاڭدا قازاقستاننىڭ قارۋلى كۇشتەرى قاتارىندا سۇراپىل سوعىستا جەڭىستى جاقىنداتقان اتالارىمىز بەن اپالارىمىزدىڭ ۇرپاعى, نەمەرەلەرى مەن شوبەرەلەرى قىزمەت ەتەدى. قۇقىقتىق ءتارتىپ اسكەرىنىڭ جاۋىنگەرلەرى اعا بۋىننان ەستافەتانى قابىلداپ, ولاردىڭ داڭقتى جانە جاۋىنگەرلىك داستۇرلەرىن وزدەرىنىڭەرەن ەڭبەكتەرىمەن جالعاستىرىپ كەلەدى.
