العىس ايتۋ كۇنىنە وراي قازالى قالاسىندا مەرەكەلىك سالتاناتتى كەش ءوتتى. قالالىق مادەنيەت ۇيىندە كىتاپ كورمەسى جانە ءتۇرلى ۇلت وكىلدەرىنىڭ ۇلتتىق تاعامدارى مەن اسپاپتار كورمەسى ۇيىمداستىرىلىپ, كوپشىلىك نازارىنا ۇسىنىلدى.
شارا ۇلتتار دوستىعىن بەينەلەيتىن كورىنىسپەن باستالدى. تۇرعىندارعا قۇتتىقتاۋىن جەتكىزگەن اۋدان اكىمى مۇرات ەرگەشباەۆ مەرەكەنىڭ ماڭىزدىلىعىنا توقتالدى.
– العىس ايتۋ كۇنى – بۇل, تاعدىر تالكەگىمەن قازاقستان جەرىنە ەرىكسىز قونىس اۋدارعان ءتۇرلى ەتنوستاردىڭ ميلليونداعان وكىلدەرىنىڭ قۇتتى قونىسىنا اينالعان قاسيەتتى قازاق جەرى مەن جەرگىلىكتى ۇلتقا تەرەڭ تاعزىم بەلگىسى, – دەگەن مۇرات ءنالحوجا ۇلى اۋدانىمىزدىڭ ءوسىپ-وركەندەۋى جولىندا ءاربىر قازالىلىقتىڭ ۇلەسى بار ەكەندىگىن جەتكىزىپ, بارشا تۇرعىندارعا مىڭ العىس ءبىلدىردى.
شارا بارىسىندا قازالىنى مەكەن ەتكەن ۇلت وكىلدەرى قازاق حالقىنا دەگەن شىنايى ىقىلاستارىن ءبىلدىردى. مەرەكە كونتسەرتتىك باعدارلاماعا ۇلاستى.
