قىزىلوردا: بيزنەس سالاسىنىڭ بيۋدجەتكە ءتۇسىمى ارتتى

كەزدەسۋ الدىندا «باستاۋ» جوباسى بويىنشا وقىپ, كاسىپتەرىن اشقان ىسكەرلەر باسقاراتىن كاسىپورىندار ونىمدەرىنەن كورمە كورسەتىلدى.

پالاتا ديرەكتورى كاسىپكەرلەرمەن كەزدەسۋدە قازىرگى ەكونوميكالىق احۋالعا, بيزنەستىڭ جاي-كۇيىنە قىسقاشا شولۋ جاسادى.  

– ءبىزدىڭ ءوڭىر ەكونوميكاسى مۇناي وندىرىسىنە تاۋەلدى ەكەنى بەلگىلى. وتكەن جىلى مۇناي ءوندىرىسى كولەمىنىڭ 13%-عا تومەندەۋى ونەركاسىپتىك ءونىمنىڭ 10,7%-عا ازايۋىنا الىپ كەلدى. جالپى, سوڭعى 7 جىلدا وبلىستا مۇناي ءوندىرىسى ەكى ەسەگە دەيىن ازايىپ, 5,5 ملن تونناعا دەيىن تومەندەگەن. بيىل دا 1 ملن تونناعا كەميدى دەگەن بولجام بار. سوندىقتان وڭدەۋ ونەركاسىبى باعىتىندا وبلىس ەكونوميكاسىن ءارتاراپتاراندىرۋ قازىرگى كۇننىڭ باستى تالابىنا اينالىپ وتىر. ونى تەك شاعىن جانە ورتا بيزنەستى دامىتۋ ارقىلى قول جەتكىزە الامىز, - دەدى ول.

بيىلعى 1 قاڭتارداعى ەسەپ بويىنشا وبلىستا 46 297 شاعىن جانە ورتا كاسىپكەرلىك سۋبەكتىسى جۇمىس جاساۋدا. وتكەن جىلدىڭ 9 ايىندا سالا 285,5 ملرد تەڭگەنىڭ ءونىمىن ءوندىرىپ, ء وسىم – 9,9%-كە جەتكەن.

سوڭعى 3 جىلدا شاعىن جانە ورتا بيزنەستىڭ جالپى وڭىرلىك ونىمدەگى ۇلەسى 14,2%-دان 18%-عا ءوسىپ وتىر.