ايماقتار • 29 اقپان, 2020

قىزىلوردا: بىلتىر كاسىپتىك ءبىلىم العان 948 ازامات تۇراقتى جۇمىسپەن قامتىلدى

200 رەت

كورسەتىلدى

1 مين

وقۋ ءۇشىن

بۇل تۋرالى كاسىپكەرلەر پالاتاسىنىڭ ديرەكتورى عالىمبەك جاقسىلىقوۆ بيزنەس-قاۋىمداستىق الدىنداعى ەسەپتى كەزدەسۋىندە ايتتى.

مۇرات جەتپىسباەۆ

قىزىلوردا: بىلتىر كاسىپتىك ءبىلىم العان 948 ازامات تۇراقتى جۇمىسپەن قامتىلدى

پالاتا باسشىسى 2017-2021 جىلدارعا ارنالعان «ەڭبەك» مەملەكەتتىك باعدارلاماسى اياسىندا قىسقامەرزىمدى كاسىپتىك وقىتۋ پروتسەسى «اتامەكەن» ۇلتتىق كاسىپكەرلەر پالاتاسىنىڭ رەەسترىنە ەنگەن وقۋ ورتالىقتارىنىڭ وندىرىستىك الاڭدارىندا وتكىزىلەتىندىگىن ايتتى.

– 2017 جىلى رەەسترگە كاسىپورىنداردىڭ جانىندا اشىلعان 8 وقۋ ورتالىعى ەنگەن بولسا, 2019 جىلى مۇنداي وقىتاتىن كاسىپورىنداردىڭ سانى 19-عا, جەكە وقۋ ورتالىقتار - 7, ال كوللەدجدەر سانى - 4-كە جەتتى. بارلىعى رەەسترگە 30 وقۋ ورتالىعى ەنىپ, قىسقامەرزىمدى كاسىپتىك وقىتۋدى ۇيىمداستىرۋعا مۇمكىندىك الدى. ايتا كەتۋ قاجەت,وقىعان ازاماتتاردىڭ جۇمىسپەن قامتىلۋ دەڭگەيى 60 پايىزدان تومەن بولعان جاعدايدا, وقۋ ورتالىعى قىسقامەرزىمدى وقىتۋعا قاتىسپايدى, - دەيدى عالىمبەك جاقسىلىقوۆ.

پالاتا ديرەكتورىنىڭ ايتۋىنشا, وتكەن جىلىوبلىستان 2194 ازامات جۇمىسپەن قامتۋ ورتالىقتارى ارقىلى 22 وقۋ ورتالىعىنا جىبەرىلگەن. ونىڭ 2054-ءى وقۋىن ءساتتى اياقتاپ, بىلىكتىلىكتەرىن دالەلدەءپتى. بۇگىنگى كۇنگە تۇراقتى جۇمىس ورنىمەن قامتىلعان ازاماتتار سانى 948. سونىمەن قاتار وسى مەملەكەتتىك باعدارلاما اياسىندا بىتىرۋشىلەر مەملەكەتتىك قايتارىمسىز قارجى الۋ ءۇشىن جوبا قورعاپ, كاسىپ باستاۋعا مۇمكىندىك الا الادى. ماسەلەن, بىلتىر قىسقا مەرزىمدى وقىتۋدان وتكەن 859 ازاماتتىڭ جوباسىقولداۋ تاۋىپ, 365 ملن تەڭگە قايتارىمسىز قارجى العان.