ايماقتار • 28 اقپان، 2020

ماڭعىستاۋ مۇعالىمدەرى «ادىستەمەلىك كۇنگە» قاتىستى

51 رەتكورسەتىلدى

اقتاۋ قالاسىنداعى نازارباەۆ زياتكەرلىك مەكتەبىندە ماڭعىستاۋ وبلىسىنداعى جالپى ءبىلىم بەرۋ مەكتەپتەرىنىڭ ونەر، مۋزىكا، دەنە شىنىقتىرۋ، العاشقى اسكەري دايىندىق پاندەرىنىڭ مۇعالىمدەرىنە ادىستەمەلىك كۇن ۇيىمداستىرىلدى. بۇل تۋرالى اتالعان مەكتەپتىڭ ءباسپاسوز قىزمەتى حابارلادى.

ادىستەمەلىك كۇندى وتكىزۋدەگى باستى ماقسات – زياتكەرلىك مەكتەپ ۇستازدارىنىڭ تاجىريبەسىن جاڭارتىلعان ءبىلىم باعدارلاماسى بويىنشا ساباق وتكىزىپ جۇرگەن ولكە پەداگوگتارىنا تاراتۋ، تۋىنداعان ماسەلەلەرى مەن سۇراقتارى بويىنشا ادىستەمەلىك كومەك بەرۋ. ءبىلىم ورداسىنداعى تاجىريبەلىك كۇنگە 100 مۇعالىم قاتىستى.

-بۇگىنگى تاڭدا جاڭارتىلعان ءبىلىم باعدارلاماسى بويىنشا مۋزىكا، ونەر (سۋرەت)، دەنە شىنىقتىرۋ جانە العاشقى اسكەري دايىندىق پاندەرىنەن ساباق بەرەتىن مۇعالىمدەردە قىسقا مەرزىمدى ساباق جوسپارىن قۇرۋدا جانە قالىپتاستىرۋشى باعالاۋ بويىنشا ماسەلەلەر بار ەكەنىن بايقاپ ءجۇرمىز. سول سەبەپتى دە وسىنداي ادىستەمەلىك شارانى وتكىزۋدى ۇيعاردىق، دەيدى پەداگوگيكالىق شەبەرلىك ورتالىعىنىڭ مەندجەر-ادىسكەرى ءسانبيبى كوپبەرگەنوۆا.

ادىستەمەلىك كۇن بارىسىندا زياتكەرلىك مەكتەپ مۇعالىمدەرى ءپان بويىنشا ساباق وتكىزىپ، باقىلاۋ جۇرگىزگەن ارىپتەستەرىنىڭ تۋىنداعان ساۋالدارىنا جاۋاپ بەردى.

-ءبىزدىڭ بايقاعانىمىز، ءالى كۇنگە دەيىن مۇعالىمدەردە قىسقا مەرزىمدى جوسپار جاساۋدا قيىندىقتار تۋىندايدى ەكەن. سونىمەن قوسا، گۋمانيتارلىق باعىتتاعى ءپان مۇعالىمدەرى قالىپتاستىرۋشى باعالاۋ جۇرگىزۋدە قينالادى ەكەن، دەدى ونەر ءپانىنىڭ مۇعالىمى زاميرا احمەتوۆا.

ءبىلىم ورداسىنىڭ پەداگوگتارى ارىپتەستەرىن باسقا كۇندەردە دە ساباق باقىلاۋعا شاقىردى.

 

 

ماڭعىستاۋ وبلىسى

سوڭعى جاڭالىقتار

ۇقساس جاڭالىقتار