قازاقستان • 28 اقپان، 2020

اشم: شەگىرتكەگە قارسى ءىس-شارا ءساۋىر ايىندا باستالادى

16 رەتكورسەتىلدى

نۇر-سۇلتان قالاسىندا شەكارالاس اۋماقتاردا شەگىرتكە تەكتەس زيانكەستەرمەن جانە باسقا دا اۋىل شارۋاشىلىعى زيانكەستەرىمەن كۇرەسۋ ماسەلەلەرى بويىنشا قازاقستان رەسپۋبليكاسىنىڭ جانە رف اۋىل شارۋاشىلىعى مينيسترلىكتەرى ماماندارىنىڭ جىل سايىن وتەتىن حالىقارالىق كەڭەسى ءوتتى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى.

قوس تاراپ 2019 جىلى جۇرگىزىلگەن ءىس-شارالار، شەكارالاس اۋماقتارداعى شەگىرتكە زيانكەستەرىنىڭ دامۋى مەن تارالۋى، اۋىل شارۋاشىلىعى زيانكەستەرىمەن جانە اۋرۋلارمەن كۇرەسۋ ءىس-شارالار تۋرالى اقپاراتپەن الماستى. سونداي-اق وسى باعىتتا ءوزارا ءىس-قيمىل مەن ىنتىماقتاستىق ماسەلەلەرى تالقىلاندى.



رف دەلەگاتسياسىن باستاپ كەلگەن «روسسەلحوزتسەنتر» فمبم ديرەكتورى الەكساندرا مالكو، 2019 جىلى شەگىرتكە تەكتەس زيانكەستەرگە قارسى ەكى ەلدىڭ جۇرگىزگەن بىرلەسكەن ءىس-شارالاردىڭ ارقاسىندا شەكارالاس اۋدانداردا اۋىل شارۋاشىلىعى داقىلدارى ەگىستىكتەرىنىڭ زاقىمدانۋى، سونداي-اق، شەگىرتكەلەردىڭ كورشىلەس ەلدەردىڭ شەكارا اۋماعىنا كوشىپ-قونۋى بولماعاندىعىن اتاپ ءوتتى.
 
ءوز كەزەگىندە اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا كوميەتىنىڭ توراعاسى المابەك مارس 2020 جىلى جوسپارلانعان ءىس-شارالار تۋرالى كەڭىنەن ايتىپ بەردى.



ونىڭ ايتۋىنشا، 2020 جىلى شەگىرتكە تەكتەس زيانكەستەر 554 مىڭ گەكتار القاپتا تارالۋى مۇمكىن دەپ كۇتىلۋدە. شەگىرتكەگە قارسى كۇرەس ءۇشىن رەسپۋبليكالىق بيۋدجەتتەن 1 ملرد تەڭگە بولىنگەن. اتالعان قاراجات بارلىق بولجامدالعان القاپقا پەستيتسيدتەردى جانە حيميالىق وڭدەۋدى ساتىپ الۋعا مۇمكىندىك بەرەدى.

«ورتالىق قويمادا جالپى 47،5 مىڭ ليتر پەستيتسيد قورى بار. 2020 جىلى شەگىرتكە تەكتەس زيانكەستەردىڭ ءۇيىرلى تۇرلەرىنە قارسى قورعانىس ءىس-شارالارىن جۇرگىزۋ ءۇشىن 148 بىرلىك ارنايى تەحنيكا: ونىڭ ىشىندە 119 بىرلىك جەرۇستى بۇرىككىشتەرى، 10 ۇشاق، 10 بىرلىك اسا جەڭىل اۋە كەمەسى (اجاك) جانە 9 بىرلىك اەروزولدى گەنەراتورلار (گارد) جۇمىلدىرىلاتىن بولادى. بۇگىنگى كۇنى شەگىرتكە تەكتەس زيانكەستەرگە قارسى قورعانىس ءىس-شارالارىن ۋاقىتىلى ۇيىمداستىرۋ ءۇشىن دايىندىق شارالارى اياقتالۋعا جاقىن»، - دەدى ا.مارس.

كەڭەس قورىتىندىسى بويىنشا قازاقستان رەسپۋبليكاسىنىڭ جانە رف اۋىل شارۋاشىلىعى مينيسترلىگى اراسىندا 2020 جىلى ەكى ەلدىڭ شەكارالاس اۋماقتارىندا شەگىرتكە تەكتەس زيانكەستەردىڭ تارالۋىنا جول بەرمەۋ جونىندەگى بىرلەسكەن ءىس-شارالار جوسپارىنا قول قويىلدى.     
سوڭعى جاڭالىقتار

ۇقساس جاڭالىقتار