الەم • 28 اقپان، 2020

شانحايلىق ساراپشى كوروناۆيرۋستى جەڭۋدىڭ جولىن اتادى

1155 رەتكورسەتىلدى

بۇل تۋرالى China Daily باسىلىمى حابارلادى. شانحايدا 25 ميلليون ادام تۇرادى، بىراق 26 اقپانداعى جاعداي بويىنشا بۇل جەردە تەك 337 جۇقتىرۋ وقيعاسى تىركەلگەن.

چجان ۆەنحونگ بۇل بولجانعاننان الدەقايدا از ەكەنىن ايتادى. ونىڭ ايتۋىنشا، كوروناۆيرۋستىڭ  تىم تەرەڭدەپ كەتپەۋىنە ساقتىق شارالارى ىقپال ەتكەن. قالا بيلىگى اۋرۋ جۇقتىرعان ادامدارعا عانا ەمەس، اۋرۋ جۇقتىرۋى مۇمكىن دەپ تابىلعانداردى دا ەكى اي باقىلاۋدا ۇستاعان. ولاردىڭ كوپشىلىك جينالعان ورىندارىنا بارۋعا تىيىم سالعان. سول سەبەپتى وسى اۋرۋ تۇرىنە بايلانىستى بولعان ءولىم دەڭگەيى ءبىر پايىزدان از.

«شانحاي COVID-19-بەن كۇرەستە باعا جەتپەس تاجىريبە جينادى، سونىڭ نەگىزىندە ەپيدەميانىڭ عالامدىق تارالۋىن التى اي بويى باقىلاۋعا مۇمكىندىك تۋدى» دەدى چجان ۆەن حونگ.

ونىڭ ايتۋىنشا، ءبىرىنشى كەزەكتە - كوروناۆيرۋس اۋرۋلارى تىركەلگەن ايماقتاردان قالاعا كەلگەندەردىڭ بارلىعىنا 14 كۇندىك ۇيگە مىندەتتى كارانتين ەنگىزۋ. مۇنى قىتايدان تىسقارى ەلدەردە دە جالپىعا بىردەي مىندەتتەۋ  كەرەك.  سەبەبى دەرتتىڭ بۇل ءتۇرى اۋامەن تارايدى. سوندىقتان جەكەلەگەن ەلدەردىڭ عانا ساقتىق شارالارىن قولدانعانىنىڭ  اسەرى از.       

«ەكىنشىسى - حالىق كوپ جينالاتىن جەرلەردى دەرەۋ جابۋ. بۇدان كەيىن ەپيدەمياعا ۇشىراعان قالالاردا اۋرۋلارى تەك COVID-19 بەلگىلەرىن انىقتاۋعا باعىتتالعان اۋرۋحانالار اشىلۋى كەرەك» دەدى چجان ۆەن حونگ.

ونىڭ ايتۋىنشا، مۇنداي الدىن الۋ شارالارى جاڭا ينفەكتسيالاردىڭ سانىن بەس اي ىشىندە نولگە دەيىن ءتۇسىرۋى مۇمكىن. ال ءبىر-ەكى ايدا ۆيرۋس كوزى دەپ تابىلعان قالا تۇرعىندارىنىڭ ءومىرى قالىپتى جاعدايعا تۇسەدى» دەپ ءسوزىن تۇيىندەپتى   چجان ۆەن حونگ.

قىتايلىق ساراپشىنىڭ ۇسىنىسىن قاپەرگە الىپ ءجۇرۋ كەرەكتىگىن الىس-جاقىن مەملەكەتتەردىڭ باسشىلارى دا ايتىپ جاتىر. 

 

 

 

سوڭعى جاڭالىقتار

ۇقساس جاڭالىقتار