ايماقتار • 28 اقپان، 2020

اسكەري قىزمەتشىلەر قار قۇرساۋىنان 12 ادامدى قۇتقاردى

51 رەتكورسەتىلدى

اقتوبە گارنيزونىنىڭ اسكەري قىزمەتشىلەرى اسكەري پوليتسياسى وكىلدەرى مەن توتەنشە جاعدايلار دەپارتامەنتىنىڭ قىزمەتكەرلەرىمەن بىرگە 12 ادامدى قار قۇرساۋىنان قۇتقاردى، ونىڭ ىشىندە ايەل مەن بالا بار. بۇل تۋرالى «باتىس» وڭىرلىك قولباسشىلىعى ءباسپاسوز قىزمەتى حابارلادى.

توتەنشە جاعدايلار دەپارتامەنتى اقتوبە گارنيزونىنىڭ باستىعى پولكوۆنيك رۋسلان وتەپوۆكە «العا-قارابۇلاق» تاس جولىندا توقتاپ قالعان كولىكتەردى قار قۇرساۋىنان قۇتقارۋعا كومەكتەسۋ تۋرالى وتىنىشپەن جۇگىندى. قۇتقارۋ جۇمىستارىن جۇرگىزۋ ءۇشىن جەكە قۇرام مەن ارنايى تەحنيكا ءبولىندى.

«العا-قارابۇلاق» تاس جولىنىڭ ون جەتىنشى شاقىرىمىندا جول تالعامايتىن كولىك پەن جولدان شىعىپ كەتكەن «كاماز» كولىگى تابىلدى. داۋىلدى ەسكەرتۋگە قاراماستان، امانگەلدى اۋىلىنان العا قالاسىنا 12 ادام بولىپ شىعىپ كەتكەن ەكەن.

قۇتقارۋ توبى كەلگەن كەزدە ادامدار تاس جولدا 5 ساعاتتان استام ۋاقىت الىسىپ، كولىكتەرىن شىعارا الماعان. وزدىگىنەن قار قۇرساۋىنان شىعۋ ارەكەتى ءساتسىز بولعان سوڭ، MT-لب كوپ ماقساتتى ترانسپورتتاۋشىنى قولدانا وتىرىپ، كولىكتەر جولعا شىعارىلدى.

-ءبىز اۆتوموبيلدەردىڭ وزدىگىنەن جۇرە الاتىندىعىنا كوز جەتكىزىپ، قارت ادامدار مەن بالالار بار تاعى ءبىر كولىككە كومەكتەسۋگە  بەت بۇردىق، الايدا ولار وزدەرى شىعىپ كەتىپتى، دەيدى موتواتقىشتار باتالونى كومانديرىنىڭ تەحنيكالىق قامتاماسىز ەتۋ جونىندەگى ورىنباسارى مايور قاناتبەك شايمەردەنوۆ.

قۇتقارۋ جۇمىستارىنا قاتىسقان اسكەري قىزمەتشىلەرگە، مايور قاناتبەك شايمەردەنوۆكە، كەلىسىمشارت بويىنشا جەكە اسكەري قىزمەتشى اسەت تولەباەۆقا جانە اعا سەرجانت بولات بەگەجانوۆقا العا اۋدانىنىڭ توتەنشە جاعدايلار ءبولىمى باستىعىنىڭ جانە اكىمىنىڭ اتىنان العىس ءبىلدىرىلدى.

 

 

ماڭعىستاۋ وبلىسى

سوڭعى جاڭالىقتار

ۇقساس جاڭالىقتار