ايماقتار • 28 اقپان، 2020

ماڭعىستاۋ يمپورت الماستىرۋ بويىنشا الدىڭعى قاتاردا تۇر

51 رەتكورسەتىلدى

وڭىرلىك كاسىپكەرلەر پالاتاسىندا «قاراپايىم زاتتار ەكونوميكاسى» بويىنشا باعىتتاردى، يمپورت الماستىرۋدى، ەكسپورتتى دامىتۋ جايىندا كەڭەيتىلگەن كەزدەسۋ ءوتتى.

وعان وبلىس اكىمنىڭ ورىنباسارى ءا. قىراۋباەۆ پەن مو كاسىپكەرلەر پالاتاسىنىڭ ديرەكتورى ن. قاراساەۆ قاتىستى. بۇدان بولەك مەملەكەتتىك قىزمەتكەرلەر، قارجى ينستيتۋتتارى ماماندارى مەن كاسىپكەرلەر كەلدى. بۇل تۋرالى مو كاسىپكەرلەر پالاتاسى ءباسپاسوز قىزمەتى حابارلادى.

شارادا «جوبالاۋ ءوفيسى» اياسىندا اقپان ايىندا بەرىلگەن جەڭىلدەتىلگەن نەسيە ەسەبى ايتىلدى. سونان سوڭ مەملەكەتتىك ساتىپ الۋلاردا جەرگىلىكتى قامتۋ جاعدايى تالقىلاندى. سونىمەن قاتار
«2020-2025 جىلدارعا ارنالعان يندۋستريالدى-يننوۆاتسيالىق دامۋ» باعدارلاماسى تۇسىندىرىلەدى. ماڭعىستاۋ وبلىسى يمپورت الماستىرۋ جاعىنان الدىڭعى قاتاردا ەكەنى اتاپ ءوتىلدى.

-بىزدە وتكەن جىلمەن سالىستىرعاندا كرى ءبىلىم مەن دەنساۋلىق سالالارىندا 20% ءوستى. بۇل كورسەتكىشتى مۇننان ءارى كوتەرەتىندەي مۇمكىندىك بار. سونى قولعا الۋىمىز كەرەك. مەكتەپتەر مەن بالاباقشالاردا بالالاردى تاماقتاندىرۋ بارىسىندا ءسۇت ونىمدەرى تولىقتاي جەرگىلىكتى ونىممەن قامتاماسىز ەتىلەتىنىن بىلەمىز. سونىڭ ءبارى ەسەپكە قوسىلماي وتىر. وسىنداي جاعدايلاردى ەسكەرۋدى ۇسىنامىن، دەدى وكپ ديرەكتورى نۇربەك قاراساەۆ.

 

 

ماڭعىستاۋ وبلىسى

سوڭعى جاڭالىقتار

ۇقساس جاڭالىقتار