ەكونوميكا • 28 اقپان، 2020

«قازمۇنايگاز» قازاقستاندىق تاۋار وندىرۋشىلەرمەن بىرقاتار كەلىسىمگە قول قويدى

17 رەتكورسەتىلدى

وتاندىق تاۋار وندىرۋشىلەردى قولداۋ فورۋمى شەڭبەرىندە «قازمۇنايگاز» ۇك اق بىرقاتار كەلىسىمگە قول قويدى. بۇل تۋرالى كومپانيانىڭ جۇرتشىلىقپەن بايلانىس دەپارتامەنتى حابارلادى.

بۇگىنگى تاڭدا قمگ وففتەيك-شارتتار جاساسۋ ارقىلى جاڭا وندىرىستەردى قۇرۋعا جاردەمدەسۋ باعدارلاماسىن ىسكە اسىرۋ شەڭبەرىندە يمپورت الماستىرۋ بويىنشا بەلسەندى جۇمىس جۇرگىزۋدە. وففتەيك-شارتتاردىڭ تەتىگى جوبانى ىسكە اسىرۋ ناتيجەسىندە ءوندىرىسى جولعا قويىلاتىن تاۋارلاردى ساتىپ الۋ مەن جەتكىزۋدى كەيىنگە قالدىرۋ شارتىمەن يمپورتتى الماستىراتىن جوبالاردى ىسكە اسىرۋدى كوزدەيدى.

وسى باعدارلاما اياسىندا قمگ-ءنىڭ ەنشىلەس كومپانيالارى – «قازترانسويل» اق جانە «اتىراۋ مۇناي وڭدەۋ زاۋىتى» جشس باسشىلارى قازاقستاندىق كاسىپورىندارمەن كەلىسىمگە قول قويدى.

«قازترانسويل» اق قازاقستاندىق «KARLSKRONA LC AB» كومپانياسىمەن ماگيسترالدىق قۇبىرلارعا ارنالعان سورعى اگرەگاتتارىن ىقتيمال جەتكىزۋ بويىنشا ىنتىماقتاستىق تۋرالى مەموراندۋمدى جاساستى. ماگيسترالدىق سورعىلار تاجىريبەلىك-ونەركاسىپتىك سىناقتاردان وتەدى جانە ساراپتاما كوميسسياسىنىڭ وڭ قورىتىندىسى بولعان جاعدايدا، «قازترانسويل» اق «KARLSKRONA LC AB» كومپانياسىمەن جابدىقتىڭ وسى ءتۇرىن ساتىپ الۋعا وففتەيك-شارت جاساسادى.

ء«اموز» جشس «Zhaik Petroleum» جشس-مەن جالپى سوماسى 11،2 ملرد تەڭگەگە 2022 – 2024 جىلدار كەزەڭىنە كولەمى 70 مىڭ توننادان استام مەتانولدى ۇزاق مەرزىمدى جەتكىزۋگە وففتەيك-شارت جاساستى.

وتاندىق وندىرۋشىلەردى قولداۋ جونىندەگى باعدارلامالارعا قاتىسۋ جانە ساتىپ الۋداعى جەرگىلىكتى قامتۋدى ۇلعايتۋ «قازمۇنايگازدىڭ» باسىم مىندەتتەرىنىڭ ءبىرى بولىپ تابىلادى. 2019 جىلدىڭ قورىتىندىسى بويىنشا قمگ كومپانيالار توبى بويىنشا تاۋارلاردى، جۇمىستاردى جانە قىزمەتتەردى ساتىپ الۋدىڭ جالپى كولەمى 2 تريلليون 50 ملرد. تەڭگەنى قۇرادى. ونىڭ ىشىندەگى جەرگىلىكتى قامتۋ 81% نەمەسە 1 تريلليون 658 ملرد تەڭگەنى قۇرادى.

 

ماڭعىستاۋ وبلىسى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار