الەم • 28 اقپان، 2020

ساۋد ارابياسى قازاقستاندىقتارعا تۋريستىك ۆيزالار بەرمەيتىن بولدى

29 رەتكورسەتىلدى

ساۋد ارابياسىنىڭ تۋريزم مينيسترلىگى كوروناۆيرۋسقا بايلانىستى جەتى ەلدىڭ ازاماتتارىنا ەلەكتروندى تۋريستىك ۆيزالاردى بەرۋدى ۋاقىتشا توقتاتا تۇرۋ تۋرالى شەشىم قابىلدادى. بۇل تۋرالى ساۋد ارابياسىنىڭ SPA اقپارات اگەنتتىگى حابارلادى.

«كوروناۆيرۋستىڭ تارالۋىن بولدىرماۋ ماقساتىندا قىتاي، جاپونيا، سينگاپۋر، وڭتۇستىك كورەيا، مالايزيا، يتاليا جانە قازاقستان ازاماتتارىنا ەلەكتروندى تۋريستىك ۆيزالار بەرۋ توقتاتىلدى. ساۋد ارابياسىنىڭ اۋەجايلارىنا كەلگەن كەزدە بۇل ەلدەردىڭ ازاماتتارى تۋريستىك ۆيزالاردى الا المايدى» دەلىنگەن حابارلامادا.

سونىمەن قاتار اتالعان ەلدەردىڭ ازاماتتارى بۇرىن العان تۋريستىك ۆيزالارىن پايدالانىپ، ساۋد ارابياسىنا كىرە المايدى. ساۋد ارابياسىنىڭ بيلىگى بۇل وزگەرىستەردى كوروناۆيرۋستىڭ تارالۋىنا بايلانىستى ۋاقىتشا شەكتەۋ دەپ وتىر.

ەلەكتروندىق تۋريستىك ۆيزا الۋعا قۇقىعى بار باسقا 40-تان استام ەلدىڭ ازاماتتارى بۇرىنعىشا بۇل مۇمكىندىكتى پايدالانىپ، ەلگە كىرە الادى.

سوڭعى جاڭالىقتار

ۇقساس جاڭالىقتار