قازاقستان • 27 اقپان، 2020

وڭتۇستىك كورەياداعى قازاقستاندىقتارعا ەلگە قايتۋ جونىندە كەڭەس بەرىلدى

70 رەتكورسەتىلدى

سىرتقى ىستەر مينيسترلىگى وڭتۇستىك كورەياداعى قازاقستاندىقتارعا اۋە رەيستەرى قىسقارماي تۇرىپ ەلگە كەلۋدى ۇسىندى. بۇل تۋرالى بريفينگتە قازاقستان رەسپۋبليكاسىنىڭ ءسىم رەسمي وكىلى ايبەك سمادياروۆ ايتتى.

«كەشە جاريالاعانىمىزداي، اۋە رەيستەرى 1 ناۋرىزدان باستاپ قىسقارادى. قازاقستان ازاماتتارى شەكتەۋ قويىلعانعا دەيىن ۇيىنە جەتىپ العانى ءجون. شەكتەۋ قويىلعاننان باستاپ رەيستەر قىسقارادى. سول كەزدە كەلگىسى كەلەتىندەرگە رەيستەر قىزمەت كورسەتە المايدى. ولارعا ءۇشىنشى مەملەكەت ارقىلى، بيلەتتى باسقا باعادا ساتىپ الۋعا تۋرا كەلەدى»، - دەيدى ايبەك سمادياروۆ. قر ءسىم ازاماتتارعا كوروناۆيرۋس جاعدايى تۋرالى حابارلادى. ء«بىزدىڭ ەلشىلىك ازاماتتارعا وڭتۇستىك كورەياداعى كوروناۆيرۋس تۋرالى حاباردار ەتۋ بويىنشا بىرقاتار شارالار قابىلدادى. جەدەل شتاب قۇرىلدى، مەسسەندجەردە تاۋلىك بويى بايلانىس تەلەفونى جۇمىس ىستەيدى جانە كۇن سايىن ازاماتتاردى كونسۋلدىق ەسەپكە تىركەۋ جۇرگىزىلىپ جاتىر. اۋرۋ جۇقتىرعاندار مەن كوز جۇمعاندار سانى وسۋدە، سول سەبەپتى بارىنشا اباي بولۋ كەرەك. كورەيا ازىرگە جابىلمايدى، ەۆاكۋاتسيا تۋرالى ايتۋعا ءالى ەرتە. جاعدايدى باقىلاۋدا ۇستايمىز»، - دەيدى ول.

ءبىز بۇعان دەيىن وڭتۇستىك كورەيادا 35 مىڭ قازاقستاندىق بار ەكەنىن جازعان بولاتىنبىز.

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار