سپورت • 27 اقپان، 2020

قازاقستاندىق ماريا اگاپوۆا UFC ۇيىمىمەن كەلىسىمشارتقا وتىردى

13 رەتكورسەتىلدى

ارالاس جەكپە-جەكتەن الەم چەمپيونى، قازاقستاندىق ماريا اگاپوۆا مما بويىنشا ەڭ ءىرى پروموۋشن - Ultimate Fighting Championship (UFC) سپورتشىلارى قاتارىندا تۋرنيرلەرگە قاتىساتىن بولدى. 

اگاپوۆا UFC قاتارىنا بىلتىرعى تامىز ايىندا-اق ءوتىپ كەتەر ەدى، دەگەنمەن امەريكالىق ترەيسي كورتەستەن ۇتىلىپ، كەلىسىمشارتتان قۇر قالىپ قويدى. وسى جەڭىلىستەن كەيىن ماريا Invicta FC پروموۋشنى اياسىندا ەكى مارتە ايقاسقا شىقتى. قىركۇيەك پەن قازانداعى جەكپە-جەكتە ول قارسىلاستارى امەريكالىق الەكسا كوننەرس پەن برازيليالىق ماريليا سانتوستى ءبىرىنشى راۋندتا ۋاقىتىنان بۇرىن جەڭدى.

وسى جەتىستىكتەردىڭ ارقاسىندا UFC اگاپوۆاعا قايتادان نازار اۋداردى. سپورتتاعى جاڭا بەلەسى تۋرالى ماريا ءوزىنىڭ Instagram پاراقشاسىندا جازدى.

«ارماندار ورىندالادى. مەنىڭ ءبىر تاتۋىمدا وسىلاي دەپ جازىلعان. مەن ونى بىلەتىنمىن. بۇگىن مەن ءومىر بويى كوكسەپ، تەر توككەن ماقسات ورىندالدى. باپكەرلەرىمە، مەنەدجەرلەر مەن سەرىكتەستەرىمە كوپ راحمەت. مەن ءتىپتى ءۇمىتىم ءۇزىلىپ، ارمانىم ەندى ورىندالمايدى دەپ تۇڭىلگەن كەزدەردە دە جاتتىعۋ ءۇشىن زالعا باراتىنمىن. ال ەندى مەن UFC قاتارىندامىن، 2020 جىلى وسى جەردە جەكپە-جەككە شىعامىن. مۇندا بۇكىل الەمنەن سپورتشىلار جينالعان – ءبىز ءبىر ۇلكەن وتباسىمىز. وسى وتباسىنىڭ مۇشەسى اتانعانىم ءۇشىن وتە باقىتتىمىن. جاقىندا كىتاپ جازامىن. بارلىق جانكۇيەرىمە راحمەت. قولداۋ كورسەتكەن دوستارىما مىڭ العىس. وسى ۋاقىت ارالىعىندا ءبىر نارسەنى ءتۇسىندىم – جانىڭدا جۇرگەندەردىڭ ءبارى دوس ەمەس، سەنى ۇرعانداردىڭ ءبارى دۇشپان ەمەس»، - دەپ جازدى ماريا اگاپوۆا.

سوڭعى جاڭالىقتار

ۇقساس جاڭالىقتار