زەينەتاقى جيناقتارىنىڭ باسىم بولىگى مىندەتتى زەينەتاقى جارنالارى (مزج) ەسەبىنەن قالىپتاسقان. ال مزج ەسەبىنەن جينالعان جيناق اقشا 10,6 ترلن تەڭگەنى قۇرادى. ءبىر جىل ىشىندەگى ءوسىم – 15 پايىز.
مىندەتتى كاسىپتىك زەينەتاقى جارنالارى (مكزج) بويىنشا زەينەتاقى جيناقتارىنىڭ سوماسى 251,2 ملرد تەڭگەگە ء(وسىم – 25%), ەرىكتى زەينەتاقى جارنالارى (ەزج) بويىنشا 1,9 ملرد تەڭگەگە ء(وسىم – 4%) جەتتى.
2020 جىلدىڭ قاڭتارىندا زەينەتاقى جيناقتارى شامامەن 97 ملرد تەڭگەگە ۇلعايدى. بۇل سان مىناداي كىرىس جانە شىعىس اعىندارىنان قالىپتاستى:
- 86,7 ملرد تەڭگە جارنالار تۇرىندە كەلىپ تۇسكەن, بۇل كورسەتكىش 2019 جىلدىڭ سايكەس كەزەڭىندەگى كورسەتكىشتەن 22 پايىزعا جوعارى. اتالمىش سومانىڭ 94 پايىزى مزج ەسەبىنەن تولىقتى – بۇل 81,6 ملرد تەڭگە. ودان ءارى مكزج – 4,9 ملرد تەڭگە, ەزج – 16 ملن تەڭگە.
- جىل باسىنان بەرى تازا ينۆەستيتسيالىق تابىس رەتىندە 28,2 ملرد تەڭگە ءتۇسىپ, سالىمشىلاردىڭ جەكە زەينەتاقى شوتتارىنا (جزش) ەسەپتەلدى. بۇل وتكەن جىلدىڭ سايكەس كەزەڭىندەگى كورسەتكىشتەن (15,4 ملرد تەڭگە) ەكى ەسەدەي جوعارى.
سوڭعى 12 اي ىشىندە زەينەتاقى جيناقتارىنىڭ تابىستىلىعى – 6,68 پايىزدى, ال ينفلياتسيا دەڭگەيى – 5,6 پايىزدى كورسەتتى. وسىلايشا زەينەتاقى اكتيۆتەرىنىڭ ناقتى تابىستىلىعى وڭ سيپاتقا يە. - 146 مىڭنان استام الۋشى ءۇشىن زەينەتاقى تولەمدەرى مەن ساقتاندىرۋ ۇيىمدارىنا جاسالعان اۋدارىمدار 17,9 ملرد تەڭگەنى قۇرادى.
