قازاقستان • 27 اقپان، 2020

قىزىلوردا-حورەزم: بىرىككەن باستامانىڭ بەرەرى كوپ

283 رەتكورسەتىلدى

قىزىلوردا وبلىسىنىڭ اكىمى قۋانىشبەك ىسقاقوۆ «اگروونەركاسىپتىك كووپەراتسيا، ونەركاسىپ جانە تۋريزم سالاسىنداعى ايماقتىق بيزنەستىڭ ىنتىماقتاستىعى» تاقىرىبىندا وتكەن قازاقستان مەن وزبەكستان اراسىنداعى ءىى حالىقارالىق ايماقارالىق ىنتىماقتاستىق فورۋمىنا قاتىستى.

حورەزم وبلىسى ۇرگەنىش قالاسىندا وتكەن فورۋم اياسىندا بيزنەس وكىلدەرىنىڭ B2B كەزدەسۋلەرى، كەڭەيتىلگەن وتىرىس جانە ەكى مەملەكەت تاۋار وندىرۋشىلەرىنىڭ كورمەسى ۇيىمداستىرىلدى.

كەزدەسۋ بارىسىندا ساۋدا-ەكونوميكالىق، ينۆەستيتسيالىق، اۋىل شارۋاشىلىعى، ترانزيتتىك-كولىك، سۋ-ەنەرگەتيكالىق، توقىما، ماشينا جاساۋ، تۋريستىك، ەكولوگيالىق سالالاردا ىنتىماقتاستىقتى ءارى قاراي دامىتۋ ماسەلەلەرى تۋرالى ايتىلدى. 

كەزدەسۋ بارىسىندا قىزىلوردا وبلىسىنىڭ اكىمدىگى مەن وزبەكستان رەسپۋبليكاسى حورەزم وبلىسىنىڭ حوكيماتى اراسىندا ءوزارا ىنتىماقتاستىق تۋرالى مەموراندۋمعا قول قويىلدى. كەلىسىم ەكى ەل اراسىنداعى قازىرگى دوستىق قاتىناستاردى نىعايتۋ، شارۋاشىلىق قىزمەت سۋبەكتىلەرى اراسىندا تىكەلەي بايلانىستار ورناتۋ جانە ۇزاق مەرزىمدى ەكونوميكالىق، عىلىمي-تەحنيكالىق، مادەني، ىسكەرلىك، ساۋدا قاتىناستارى مەن بايلانىستاردى دامىتۋدى كوزدەيدى. مۇنان بولەك قىزىلوردا وبلىسىنان ارنايى بارعان يندۋستريالىق- يننوۆاتسيالىق دامۋ، كاسىپكەرلىك جانە تۋريزم باسقارمالارى جەرگىلىكتى كاسىپكەرلەرمەن جانە مەملەكەتتىك ورگان وكىلدەرىمەن كەزدەسىپ، ورتاق جوبالاردى جۇزەگە اسىرۋ ماقساتىندا كەلىسسوزدەر جۇرگىزدى.

25 اقپاندا باستالعان فورۋم اياسىندا ءوڭىر ونىمدەرىنەن ارنايى كورمە ۇيىمداستىرىلدى. بۇل شاراعا  قىزىلوردا وبلىسىنان  «ابزال ي ك»، «ارالتۇز» اق، «گەجۋبا شيەلى تسەمەنت كومپانياسى» جشس، «سمارت راببەر» جشس جانە  «رزا» اق  وكىلدەرى قاتىستى. كورمەگە كۇرىش، ازىق-ت ۇلىك، تسەمەنت ونىمدەرى، تامشىلاتىپ سۋارۋ قۇبىرلارى مەن ءسۇت ونىمدەرى قويىلدى.

حورەزمدىك كاسىپكەرلەردىڭ ءبىر توبى شيەلى اۋدانىندا جەمىس اعاشتارىن  وسىرۋگە ىنتا ءبىلدىرىپ وتىر.

سونىمەن قاتار مينەرالدى تىڭايتقىشتار شىعاراتىن كاسىپورىن وكىلدەرى سىر ديقاندارىن مينەرالدى تىڭايتقىشتارمەن قامتاماسىز ەتۋگە دايىن. 

ايماق باسشىسى قۋانىشبەك دوسمايىل ۇلى ورتاق جوبالاردى جۇزەگە اسىرۋ ءۇشىن ينۆەستورلارعا قاجەتتى قولداۋ كورسەتىلەتىنىن ايتتى. 

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار