سۋرەتتەر: تج دەپارتامەنتىنەن
رەسپۋبليكالىق وقۋ-جاتتىعۋلارى بارىسىندا وبلىس ورتالىعىنا قاراستى كەنجەكول اۋىلىندا جەدەل ارەكەت ەتۋ جاساعى, توتەنشە جاعدايلار دەپارتامەنتى قاردان تازالاۋ جانە سۋ سورۋ تەحنيكالارىنىڭ دايىندىعىن تەكسەردى.
سونداي-اق وبلىستىڭ قالالارى مەن اۋداندارىندا وتكىزىلەدى. جەكە قۇرامنان 600-دەن استام ادام مەن 300-گە جۋىق تەحنيكا جۇمىلدىرىلدى. الدىنا الا ينەرتتى ماتەريالدار مەن قاپتار دايىندالۋدا.
دەپارتامەنتتىڭ داعدارىس ورتالىعىندا, سونداي-اق قالالىق جانە اۋداندىق اكىمدىكتەردە جەدەل شتابتار قۇرىلعان.
قازىر سۋ تاسقىنىنا قارسى جۇمىستار بارلىق اۋداندار مەن قالالاردا جۇرگىزىلۋدە. وڭىردە 31 اۋىلدا سۋ باسۋ قاۋپى بار.
ال, «كوكتەم - 2020» وقۋ جاتتىعۋ شارالارىنىڭ دايىندىق شەڭبەرىندە «ەرتىس وزەنىندەگى سۋ دەڭگەيىنىڭ كوتەرىلۋىنە بايلانىستى كەنجەكول اۋىلى ابدىكوۆ كوشەسى بويىنداعى 40 تۇرعىن ءۇيدى سۋ باسۋ قاۋپى تۋىندادى» دەگەن حابار كەلىپ ءتۇستى.
توتەنشە جاعدايلاردى جويۋ جوسپارىنا سايكەس جەدەل كەزەكشى شۇعىل تۇردە قالانىڭ جانە اۋىل اكىمىنە حابارلادى.
قالا اكىمىنىڭ تاپسىرماسى بويىنشا تج جويۋ جونىندەگى جەدەل شتاب قۇرىلىپ, قالانىڭ ازاماتتىق قورعاۋ قىزمەتتەرى حابارلاندىرىلدى.
جاتتىعۋ ءىس-شارالاردى وتكىزۋ بارىسىندا كەنجەكول اۋىلىنىڭ اكىمدىگى تۇرعىنداردى ەۆاكۋاتسيالاۋ قاجەتتىلىگى مەن قاۋىپ-قاتەرى تۋرالى حاباردار ەتتى.
وبلىستىڭ تج دەپارتامەنتىنىڭ مالىمەتىنشە, 7 بىرلىك, قالالىق بولىمنەن 2 بىرلىك, بارلىعى 19 بىرلىك تەحنيكا جانە جەكە قۇرامنان 40 ادام تارتىلدى.
ەۆاكۋاتسيالانعان حالىقتى قابىلداۋ ءۇشىن اۋىل اكىمدىگى ەۆاكۋاتسيالىق جيناۋ پۋنكتى, اۋىلدىڭ مادەنيەت ۇيىندە ىستىق تاماقپەن قامتاماسىز ەتەتىن, 200 توسەك-ورىنعا تۇرعىنداردى ۋاقىتشا ورنالاستىرۋ پۋنكتى اشىلدى.
سۋ باسۋ ىقتيمال جەرلەرگە 140 توننا ينەرتتى ماتەريال (قۇم) جەتكىزىلدى. 1500 توننا ينەرتتى ماتەريال (قۇم), 1000 دانا قاپتار, 5000 ليتر ججم جانە 2700 ليتر ديزەل وتىنى قورى بار.
سۋ تاسقىنىنا وقۋ-جاتتىعۋ دايىندىق كەزىندە كەنجەكول اۋىلىنىڭ كوشەلەرىنەن 400 توننا قار شىعارىلدى جانە 5 سۋ وتكىزۋ قۇبىرلارىن تازالاۋ جۇرگىزىلدى.
پاۆلودار وبلىسى
