تانىم • 27 اقپان، 2020

شارتاراپتاعى سۋ جاڭا شىعارمالار

97 رەتكورسەتىلدى

گازەت وقىرماندارىنا جىلدىڭ العاشقى ايىنداعى شەتەلدىك كىتاپ نارىعىنداعى ادەبي جاڭالىقتاردى ۇسىنامىز. ءتۇرلى جانرداعى جاڭا شىعارمالار الەمنىڭ ءار بۇرىشىنداعى سان تاقىرىپتى قاۋزايدى. ءسوزىمىزدىڭ القيسساسىن مۋراكاميدىڭ جازۋشىلىق ءومىربايانى جازىلعان كىتاپتان باستاۋدى ءجون كوردىك.

حارۋكي مۋراكاميدىڭ ءوز تۆورچەستۆوسىنا ارنالعان سۋ جاڭا كىتابى «ەكسمو» باس­­پاسىنان جارىق كوردى. تا­نى­­مال جاپوندىق جازۋشى شىعار­ماشىلىق جولىندا ءوزى تۋرالى العاش رەت اڭگى­مەلەپ بەردى.

ءار كىتابى ساتىلىمعا شىق­­پاي تۇرىپ-اق بەستسەللەرگە اينالعان اۆتوردىڭ بۇل رو­مان-ينتەرۆيۋى شەت­ەل­دىك وقىر­مانداردىڭ، اسى­رەسە جازۋشىلىققا وتە-مو­تە قى­زى­عۋشىلىعى بار قاۋىم­نىڭ اۋزىنا ىلىگىپ، نازارىن اۋداردى.

مۋراكامي ءوزىن تانۋعا ءھام تابۋعا ءبىراز جىلدارىن ارناعان ادام. ادەبيەتكە بەت بۇرماس بۇرىن دۇكەندە ساتۋشى بولىپ، ءتىپتى جەكەمەنشىك مۋزىكالىق بار اشقان. دەگەنمەن، تاعدىرى جازۋعا بۇيىرتقان اۆتور بۇ­گىندە وقىلىمدى. «جازۋشى ماماندىق رەتىندە» كىتابىندا ول وقىرماندارعا «اتاقتى مۋ­راكاميگە» جەتۋدەگى وقيعالا­رىمەن، جازۋ ماشىعى ءھام جازۋدان قورىقپاۋ كەرەكتىگى حاقىندا ەگجەي-تەگجەيلى بايان­دايدى.

 

كەۆين كۆان، «اسا باي قى­تاي قىزى» («بەزۋمنو بوگا­­تايا كيتايسكايا دەۆۋشكا»)

«اسا باي ازياتتار» («بەز­ۋم­نو بوگاتىە ازياتى») اتتى قى­زىق روماننىڭ جالعاسى رە­تىندە اۆتور وقىرماندارىن ازيا­­لىق ەليتانىڭ جابىق الە­مىمەن، ولاردىڭ وزگەشە ءومىر ءسۇرۋ ەرەجەلەرىمەن، گلامۋر­لى شا­رالارىمەن، ناعىز بايلارعا ءتان قىلىقتارىمەن تانىستىرادى. سونداي-اق ول الەمگە ەنۋ ءۇشىن وتە باي بولۋ جەتكىلىكسىز، شىققان تەگىڭنىڭ دە اقسۇيەك بولۋى وتە-موتە ماڭىزدى دەي­دى اۆتور.

3

كلەر فۋللەر، «اششى اپەل­­سين» («گوركي اپەلسين»)

اۋىر ناۋقاسقا شالدىققان اناسىن باعىپ-قاعىپ جۇرگەن باس كەيىپكەر تۇيىقتىعى مەن وزىنە سەنىمسىزدىگىنەن ءومىرىنىڭ كوپ بولىگىن ۇيىندە وتكىزگەن. ول اناسى ومىردەن وتكەن سوڭ كو­نە اعىلشىن شارۋالىعىنا جۇ­مىسقا تۇرىپ، جاقسى قو­جايىندارىمەن تانىسقان سوڭ، بويىنا سىڭگەن بۇيىعى مىنەز­دەردەن ارىلىپ، ومىرگە ەرەك كوزقاراسپەن قاراي باستايدى.

4

 

ولگا توكارچۋك، «سوڭعى وقي­­عالار» («پوسلەدنيە يستوري»)

نوبەل سىيلىعى لاۋرەا­تىنىڭ 16 جىل بۇرىن جازعان ءۇش پوۆەسى ءولىم تاقىرىبىن قاۋزايدى. بۇل پولياك جازۋشىسى «1990 جىلدارداعى پروزانىڭ باستى ۇمىتتەرىنىڭ ءبىرى» ەدى. وزىنە عانا ءتان جازۋ ماشىعىمەن ءولىمدى ءومىر ءسۇ­رۋ­­دىڭ ءبىر ءتۇرى رەتىندە سيپات­تايتىن ولگا توكارچۋك وقىر­مانعا ءولىم تۋرالى اڭگى­مە­دەن قاشپاۋعا ءھام ول جوقتاي كەيىپ تانىتپاۋ كەرەك ەكەنىن جەتكىزەدى.

5

 

توني مورريسون، «ەڭ تۇنىق كوزدەر» («سامىە گولۋبىە گلازا»)

تاعى ءبىر نوبەل سىيلى­عى­نىڭ لاۋ­رەاتى – تانىمال قا­را ءناسىلدى اۆتور ارى تاپتالعان افرو­امە­ري­­كالىق قىزدىڭ قايعىعا تولى، قا­تىگەز تاعدىرى تۋرالى پوۆەستى ۇسى­نادى. ول ءۇشىن كو­گىلدىر كوز – قول جەتپەس «اق» الەم­نىڭ سيمۆولى ىس­پەتتى. ەگەر ول ءوزىن ەركىن سەزىنسە، ءومى­رى جاقسارار ەدى. 1970 جىلى جازىلعان كى­تاپ ءوزىنىڭ كوكەي­كەستىلىگىن ءالى دە جوعالتقان جوق: وتكىر تاقىرىبىنا بو­لا وعان كەيبىر امەريكالىق مەكتەپتەردە وقۋ­عا تىيىم سالىنعان.

6

ساشا فيليپەنكو، «وس­تروگ­قا ورالۋ» («ۆوزۆرا­ششە­نيە ۆ وستروگ»)

جاس بەلارۋس جازۋشىسىنىڭ بۇل شىعارماسىندا ويدان شى­عارىلعان دانەڭە جوق: جال­عىز قالا ءتۇزۋشى باستى مەكە­مەسى تۇر­مە بولىپ تابىلا­تىن، تىم ارتتا قالعان قالاشىققا استانادان تەر­گەۋشى كەلىپ، بالالار ءۇيىنىڭ تار­بيەلەنۋشىلەرىنە وزىنە قول سالۋ ەپي­دەميا­سى قايدان تاپ بولعانىن انىق­تاۋعا تىرىسادى.

7

 

اري تۋرۋنەن، «يەسىن تاپ­پاعان ەسكەرتكىشتەر. داڭققا لايىق ەمەس بيلەۋشىلەر» («پا­مياتنيكي نە تەم. پرا­ۆي­تەلي، نە زاسلۋجيۆشيە سلاۆى»)

«وركوكىرەكتىك، مەنمەندىك پەن كورسەقىزارلىقتىڭ الەم­دىك تاريحىنىڭ» اۆتورى كەزەكتى زەرتتەۋ جاساي وتى­رىپ، وقىرماندارعا ۇلى بيلەۋ­شىلەردىڭ ءومىرىن باسقا قىرىنان كورسەتەدى. سەبەبى الەكساندر ماكەدونسكي، ۆلاديمير لەنين، ۆاسكو دا گاما، يۆان گروزنىي، مارتين ليۋتەر جانە باسقا دا ۇلى تۇل­عالار قاراما-قايشىلىققا تولى ارەكەتتەرگە بارعان. ال كور­شىلەس ەلدەردە ولاردى كوبىنە قىلمىسكەر ساناعان.

8

 

كريستوفەر باكلي، «سوت­تاردىڭ سوڭىنا تۇسكەن جان» («وحوتنيك زا سۋديامي»)

ۇلكەن دجوردج بۋشتىڭ سپيچرايتەرى، تانىمال «مۇندا تەمەكى شەگەدى» رومانىنىڭ اۆتورى ۇسىنعان بۇل تاريحي روماندا ونىڭ ايگىلى يۋمورى كەڭىنەن كورىنىس تاپقان. كۇلكىلى، ويلى ءھام «Providence Journal» جازعانداي، «جە­ڭىل­تەك» كىتاپ وقىرمان نازارىن اۋدارادى دەپ كۇتىلۋدە.

9

 

 

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار