فوتو: اشىق دەرەككوز
مەملەكەت باسشىسىنىڭ ۆوكزالدىق ينفراقۇرىلىمدى جاڭعىرتۋ جونىندەگى تاپسىرمالارىن ورىنداۋ شەڭبەرىندە تەمىرجول ۆوكزالدارىن جاڭارتۋ باعدارلاماسى كەڭىنەن جۇزەگە اسىپ جاتىر.
كولىك ءمينيسترىنىڭ ايتۋىنشا, باستى ماقسات – ازاماتتاردى قاۋىپسىز جانە جايلى تەمىرجول كولىگىمەن قامتاماسىز ەتۋ.
«بۇگىندە ەلىمىزدە تاۋەلسىزدىك جىلدارىندا العاش رەت تەمىرجول ۆوكزالدارىن ەڭ ءبىر كەڭ اۋقىمدى جاڭعىرتۋ باعدارلاماسى جۇزەگە اسىرىلىپ جاتىر. بۇل ءىرى جوباعا قازاقستاننىڭ بارلىق وڭىرلەرىندە 124 ۆوكزال ەنگىزىلگەن. سونىمەن قاتار, جەرگىلىكتى اتقارۋشى ورگاندار تاراپىنان ۆوكزال ماڭىنداعى الاڭداردى اباتتاندىرۋ جۇمىستارى جۇرگىزىلىپ وتىر. العاشقى 30 ۆوكزال بيىلعى 1 شىلدەگە دەيىن پايدالانۋعا بەرىلەدى», دەدى نۇرلان ساۋرانباەۆ.
بۇگىندە 36 نىساندا قۇرىلىس-مونتاج جۇمىستارى اياقتالعان. ودان بولەك, ءمينيستردىڭ مالىمەتىنشە, قازاقستاندا سوڭعى جىلدارى 650-دەن استام جولاۋشىلار ۆاگونى جاڭارتىلعان. 2030 جىلعا قاراي مينيسترلىك جولاۋشىلار پاركىن جاڭارتۋ دەڭگەيىن 90%-عا دەيىن جەتكىزۋدى جوسپارلاپ وتىر.
پرەمەر-مينيستر تەمىرجول ۆوكزالدارىن جاڭعىرتۋ قارقىنىن سىنعا الدى
