فوتو: اشىق دەرەككوز
كۇدىكتى ز.ف. الەكپەروۆ ەسىرتكى زاتتارى ارالاستىرىلعان كوكنار تۇقىمدارىن قاراپايىم دامدەۋىش پەن ازىق-ت ۇلىك ءونىمى رەتىندە كورسەتىپ, زاڭسىز ساۋدا ۇيىمداستىرعان, وعان جاقىن تۋىستارى دا تارتىلعان. ولاردىڭ اراسىندا تاۋاردى جەتكىزۋ, ساقتاۋ, بۋىپ-ءتۇيۋ جانە وتكىزۋ مىندەتتەرى ناقتى بولىنگەن.
ەسىرتكى ارالاسقان ونىمدەر وزگە وڭىرلەردەن لوگيستيكالىق كومپانيالار ارقىلى جەتكىزىلىپ تۇرعان. ساۋدادان تۇسكەن اقشا قولما-قول جانە بانك اۋدارىمدارى ارقىلى دا قابىلدانعان.
الەكپەروۆ قىلمىستىق تابىسقا 2 اۆتوكولىك ساتىپ الىپ, ءىزىن جاسىرۋ ءۇشىن ولاردى باسقا ادامداردىڭ اتىنا راسىمدەپ قويعان.
ءتىنتۋ كەزىندە ەسىرتكى قوسىلعان كوكنار تۇقىمدارىنىڭ دايىن پارتيالارى تاركىلەندى.
سوت ۇكىمىمەن الەكپەروۆ پەن ونىڭ ەكى سىبايلاسى 7 جىلعا باس بوستاندىعىنان ايىرىلدى.
قىلمىستىق جولمەن كەلگەن اۆتوكولىكتەر مەملەكەت مەنشىگىنە ءوتتى, ال قۇرامىندا ەسىرتكى زاتى بار 321 كەلى كوكنار تولىقتاي جويىلدى.
سوت ۇكىمى زاڭدى كۇشىنە ەندى.
بۇعان دەيىن بيىلعى 4 ايدىڭ ىشىندە ەسىرتكى قىلمىستارى ءۇشىن 76 شەتەلدىكتىڭ ۇستالعانى تۋرالى جازعان ەدىك.
