بۇل رەسۋرستار ارقىلى پارتيالىق بيلەتتەر بەرۋ, پارتيا مۇشەلەرىن تىركەۋ جانە پارتيانىڭ قىزمەتىنە قاتىستى جالعان اقپارات تاراتىلىپ جاتىر.
«اتالعان اككاۋنتتاردىڭ «ادىلەت» پارتياسىنا ەشقانداي قاتىسى جوق ەكەنىن رەسمي مالىمدەيمىز. ولار ارقىلى تاراتىلاتىن كەز كەلگەن اقپارات شىندىققا جاناسپايدى. پارتيانىڭ تەك رەسمي اقپارات كوزدەرىنە سەنۋ كەرەگىن ەسكە سالامىز», دەلىنگەن پارتيانىڭ تەلەگرام-كانالىندا.
«ادىلەت» پارتياسى «AMANAT» مۇشەلەرىنىڭ قوسىلۋىن ماڭىزدى قادام دەپ باعالادى
رەسمي پاراقشادا پارتيانىڭ سايتى, تەلەگرام جانە Instagram جەلىسىندەگى اككاۋنتتارى بەلگىلەندى. سونىمەن قاتار پارتيانىڭ اتاۋىن زاڭسىز پايدالانعانى, سونداي-اق جالعان اقپارات تاراتىپ, ازاماتتاردى جاڭىلىستىرعانى ءۇشىن قازاقستان رەسپۋبليكاسىنىڭ زاڭناماسىندا جاۋاپكەرشىلىك كوزدەلگەنىن ەسكەرتتى.
«انىقتالعان فاكتىلەر بويىنشا ماتەريالدار قازاقستان رەسپۋبليكاسىنىڭ زاڭناماسىنا سايكەس ءتيىستى شارالار قابىلداۋ ءۇشىن قۇقىق قورعاۋ ورگاندارىنا جولداندى. ازاماتتاردان جەكە دەرەكتەرىن بەيتانىس ادامدارعا بەرمەۋدى جانە «ادىلەت» پارتياسىنىڭ رەسمي بايلانىس ارنالارىنا عانا جۇگىنۋدى وتىنەمىز», دەلىنگەن حابارلامادا.
