فوتو: Polisia.kz
پوليتسياعا تورتكول اۋىلىنىڭ ماڭىندا بىرنەشە اۆتوكولىكتىڭ جول قوزعالىسى ەرەجەلەرىن ورەسكەل بۇزىپ جۇرگەنى تۋرالى حابارلاما كەلىپ تۇسكەن. اقپاراتتى تەكسەرۋ ءۇشىن وقيعا ورنىنا دەرەۋ جەتكەن پوليتسيا قىزمەتكەرلەرى اتالعان كولىكتەردى انىقتاپ, تەكسەرۋ جۇرگىزگەن.
«تەكسەرۋ بارىسىندا مەملەكەتتىك تىركەۋ نومىرلەرى تالاپقا ساي ورناتىلماعان ۆاز-21015, ۆاز-2106 جانە Audi 100 اۆتوكولىكتەرى انىقتالدى. سونىمەن قاتار, كورتەج قۇرامىندا مەملەكەتتىك تىركەۋ ءنومىرىنسىز جانە زاڭسىز ورناتىلعان جارقىلداق شامدارى بار Lada Granta كولىگى بولدى. جۇرگىزۋشىلەرگە قاتىستى بىردەن ءۇش باپ بويىنشا اكىمشىلىك شارالار قولدانىلدى. بارلىق كولىك ارنايى ايىپ تۇراعىنا قويىلدى», دەلىنگەن حابارلامادا.
الماتىدا اۆتوكورتەج ۇيىمداستىرعان 21 تۇلەكتىڭ اتا-اناسى جاۋاپقا تارتىلدى
پوليتسيا قىزمەتكەرلەرى جۇرگىزۋشىلەردى قاۋىپسىزدىك تالاپتارىن قاتاڭ ساقتاۋعا شاقىردى. ۇيلەنۋ تويىنا بايلانىستى وتكىزىلەتىن ءىس-شارالار زاڭ بۇزۋعا سەبەپ بولماۋى كەرەك. مۇنداي ارەكەتتەر جول قوزعالىسىنىڭ باسقا قاتىسۋشىلارىنىڭ ءومىرى مەن دەنساۋلىعىنا قاۋىپ ءتوندىرۋى مۇمكىن.
الماتىدا قاۋىپتى جارىس وتكىزگەن كولىك جۇرگىزۋشىلەرى جاۋاپقا تارتىلدى
ەسكە سالايىق, بۇعان دەيىن استانادا كوپىر ۇستىندە ەرەجە بۇزعان كولىك جۇرگىزۋشىسى تۋرالى حابارلاعان ەدىك.
