– ءسىزدىڭ كىتاپ جازعانىڭىزدى بىلەمىن. بۇگىن «ەگەمەن قازاقستان» گازەتىندە كىتابىڭىزعا ۇلكەن ماقالا ارنالدى. ءسىز قازاقستان دامۋىنىڭ نەگىزگى اسپەكتىلەرى مەن تۇركى الەمى بىرلىگىنىڭ ماڭىزدىلىعىنا توقتالدىڭىز, – دەدى نۇرسۇلتان نازارباەۆ.
ءوز كەزەگىندە, كيۋرشاد زورلۋ كەزدەسۋ ءۇشىن العىسىن ءبىلدىرىپ, تاۋەلسىز قازاقستاندى قالىپتاستىرۋ جولىندا تۇڭعىش پرەزيدەنتتىڭ زور ۇلەس قوسقانىن اتاپ ءوتتى.
سونىمەن قاتار, كەزدەسۋگە حالىقارالىق تۇركى اكادەمياسىنىڭ پرەزيدەنتى دارحان قىدىرالى قاتىستى. كەزدەسۋ بارىسىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ اكادەميانىڭ جاساپ جاتقان جۇمىستارىمەن جانە الداعى جوسپارىمەن تانىسىپ, اتقارىلعان ءىس-شارالارعا وڭ باعاسىن بەردى.
