- كورمەگە قۇنانباي وسكەنباي ۇلىنىڭ ءومىرى مەن قوعام قايراتكەرلىگىن ايشىقتاپ كورسەتەتىن قۇندى دەرەك كوزدەرى, قۇنانباي تاقياسى مەن كۇمىس بەلدىگى قويىلدى, - دەيدى مۋزەيدىڭ جەتەكشى عىلىمي قىزمەتكەرى نۇرسۇلۋ ساناقبەكقىزى, - سول سەكىلدى قالا تۇرعىندارى مەن قالا قوناقتارىنىڭ نازارىنا العاش رەت قۇنانبايدىڭ قۇجات بەتتەرىنە قويعان تاڭبالى ءمورىن ۇسىندى.
شارا بارىسىندا ابايدىڭ «جيدەباي-ءبورىلى» مەملەكەتتىك قورىق-مۋزەيى ديرەكتورىنىڭ يننوۆاتسيالىق دامۋ جانە قوعاممەن بايلانىس جونىندەگى ورىنباسارى تۇردىقۇل شاڭباي, سەمەي قالاسى اكىمىنىڭ ورىنباسارى ايدار سادىرباەۆ, شاكارىم ۋنيۆەرسيتەتىنىڭ تاريح جانە ساياساتتانۋ كافەدراسىنىڭ مەڭگەرۋشىسى, دوتسەنت مايرا يبراەموۆالار ءسوز سويلەدى. اكادەميك ەرلان سىدىقوۆتىڭ «قۇنانباي» كىتابىنىڭ تانىستىرىلىمى ءوتتى. جانە دە سالتاناتتى كەشكە شاكارىم قۇدايبەردى ۇلىنىڭ ۇرپاقتارى قاتىستى. ابايدىڭ اسەم اندەرىنەن كومپوزيتسيالار ورىندالىپ, وبلىستىق امىرە قاشاۋباەۆ اتىنداعى فيلارمونيانىڭ «كەربەز» فالكلورلىق ءانسامبلى شالقىما كۇيمەن كورىك بەردى.
سەمەي
