ايماقتار • 26 اقپان، 2020

سەمەيدە مەملەكەتتىك قىزمەتكەرلەر تۇرمەنى ارالادى

12 رەتكورسەتىلدى

قالالىق اكىمدىك بولىمدەرىنىڭ باسشىلارى تۇرمەگە بارىپ، تەمىر توردىڭ ار جاعىندا وتىرعانداردىڭ حال-جاعدايىمەن تانىستى. سىبايلاس جەمقورلىققا قارسى ءىس-قيمىل جونىندەگى اگەنتتىك وكىلدەرى مەملەكەتتىك قىزمەتكەرلەرگە جەمقورلىقتىڭ سالدارىن كورنەكى تۇردە كورسەتۋ ماقساتىندا وسى ەكسكۋرسيانى ۇيىمداستىرىپ وتىر ەكەن. ولاردىڭ پىكىرىنشە، قىلمىستىڭ الدىن الۋ ءۇشىن باس بوستاندىعىنان ايىرۋ ورىندارىنا بارىپ، جاعدايدى ءوز كوزىمەن كورگەنى ءجون.

- ءبىزدىڭ ماقساتىمىز - مەملەكەتتىك قىزمەتكەرلەرگە سىبايلاس جەمقورلىق قىلمىستارىنىڭ سالدارىن كورسەتۋ، ولاردى قاماۋداعىلاردىڭ تۇرمىسىمەن تانىستىرۋ، – دەيدى قر سىبايلاس جەمقورلىققا قارسى ءىس-قيمىل اگەنتتىگىنىڭ شقو بويىنشا دەپارتامەنت باسقارماسىنىڭ باسشىسى رەنات نابيەۆ، - الداعى ۋاقىتتا ولار قىلمىستىق ىستەرگە بارماۋى ءبىز ءۇشىن اسا ماڭىزدى.

مەملەكەتتىك قىزمەتكەرلەر ەكسكۋرسيا شەڭبەرىندە اسحانا بولمەسىنە، سپورت زالىنا، كىتاپحاناعا جانە باسقا دا ورىندارعا باردى. سونداي-اق مەرزىمىن وتەپ جاتقان ادامدارمەن دە كەزدەستى.

- جاس مەملەكەتتىك قىزمەتكەرلەرگە ەتيكا مەن زاڭدى ۇستانۋ قاجەتتىگىن، سىبايلاس جەمقورلىققا جول بەرمەۋ كەرەكتىگىن ايتقىم كەلەدى. مەن ادۆوكات ەدىم، پارا العانىم ءۇشىن سوتتالدىم. سەگىز جىلعا كەتتىم. ءۇشىنشى جىلىن وتەپ كەلەمىن.  ارينە، وتە اۋىر، بوستاندىقتا جاقسى عوي. كەش بولسا دا، وكىنەمىن. سوندىقتان مەملەكەتتىك قىزمەتكەرلەردى زاڭعا قايشى ەشتەڭە جاساماۋعا شاقىرعىم كەلەدى، - دەدى قامالعانداردىڭ ءبىرى ءسوز الىپ.

وسىنداي ءىس-شارالاردىڭ بىرقاتارىن الداعى ۋاقىتتا دا سىبايلاس جەمقورلىقتىڭ الدىن الۋ جانە جولىن كەسۋ رەتىندە جۇرگىزۋ جوسپارلانىپ وتىر.

 

سەمەي

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار