ايماقتار • 26 اقپان، 2020

قارماقشىدا حالىققا كورسەتىلەتىن مەملەكەتتىك قىزمەتتەر جارمەڭكەسى ءوتتى

71 رەتكورسەتىلدى

قارماقشى اۋدانى اكىمدىگى مەن مەملەكەتتىك قىزمەت ىستەرى اگەنتتىگى قىزىلوردا وبلىسى بويىنشا دەپارتامەنتىنىڭ ۇيىمداستىرۋىمەن جوسالى كەنتىندە حالىققا كورسەتىلەتىن مەملەكەتتىك قىزمەتتەر جانە بوس جۇمىس ورىندارى جارمەڭكەسى ءوتتى.

جارمەڭكەدە جۇمىسپەن قامتۋ، ءبىلىم، جەر، تۇرعىن ءۇي، ساۋلەت جانە قۇرىلىس، ازاماتتىق حال اكتىلەرىن تىركەۋ، ادىلەت، مەملەكەتتىك كىرىستەر، كوشى-قون سالالارى بويىنشا قىزمەتتەر كورسەتەتىن ۋاكىلەتتى ورگاندار مەن «ازاماتتارعا ارنالعان ۇكىمەت» مەملەكەتتىك كورپوراتسياسى اۋداندىق ءبولىمىنىڭ وكىلدەرى جينالعاندارعا ءوز سالالارى بويىنشا كەڭىنەن تۇسىنىك بەردى.

قر مقىا وبلىستىق دەپارتامەنتىنىڭ باسشىسى نۇرمان تالقانباەۆ شارانىڭ ماڭىزدىلىعىنا توقتالدى.

مەملەكەتتىك كورسەتىلەتىن قىزمەتتەر جارمەڭكەسىنىڭ ماقساتى – تۇرعىندارعا ءبىر مەزەتتە ءبىر جەردەن بىرنەشە قىزمەتتەردى الۋ جانە سالا ماماندارىنان زاڭگەرلىك كەڭەس الۋ مۇمكىندىگىن قامتاماسىز ەتۋ بولىپ وتىر.

بوس جۇمىس ورىندارى جارمەڭكەسى مەملەكەتتىك ورگاندار مەن جەكە مەكەمەلەرگە وزدەرىنىڭ تالاپتارىنا سايكەس كەلەتىن مامانداردى تابۋعا، ال اۋدان تۇرعىندارى ءۇشىن ماماندىقتارى بويىنشا جۇمىس ىزدەۋگە ۇلكەن مۇمكىندىك بەرەتىنىنە سەنىمدىمىن، - دەدى ن.تالقانباەۆ.

جارمەڭكەگە كەلگەن تۇرعىندارعا «Digital agent» ءموبيلدى قوسىمشاسى ارقىلى قىزمەت ساپاسىنا شاعىم بەرۋ ءتارتىبى ءتۇسىندىرىلدى. سونداي-اق، «ەgov-mobile» ءموبيلدى قوسىمشاسى، ء«ۇشىنشى تۇلعالار سەرۆيسى» مەن Telegram-بوت كومەگىمەن ءتۇرلى انىقتامالار الۋ جولدارى كورنەكى تۇردە كورسەتىلدى. بىرنەشە تۇرعىنعا ەلەكتروندى تسيفرلىق قولتاڭبا (ەتسق) راسىمدەلىپ، ەتسق كومەگىمەن قاجەتتى قۇجاتتارىن سول جەردە الدى.

بوس جۇمىس ورىندارى جارمەڭكەسىندە كەنت اكىمى اپپاراتىنا قاراستى «تولعاناي» بالاباقشاسى، №105 مەكتەپ، تورەباي بي اۋىلدىق كلۋبى، №111 مەكتەپ مەكەمەدەگى ءتيىستى ماماندارعا سۇرانىس جاسادى.

جالپى العاندا، جارمەڭكەدە 7 مەملەكەتتىك مەكەمە، 6 كاسىپكەرلىك سۋبەكتىسىنەن بوس جۇمىس ورىندارى ۇسىنىلىپ، 27 ادامعا تۇراقتى جۇمىسقا، ال 3 تۇرعىنعا ۋاقىتشا جۇمىسقا جولداما بەرىلدى.

سونىمەن قاتار، جارمەڭكەدە 12 ادام «جاستار تاجىريبەسى» بويىنشا، 13 تۇرعىن كاسىپكەرلىك نەگىزدەرى كۋرسىن وقۋ بويىنشا كەڭەستەر الدى.

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار