پوليتسەيلەر حابارسىز كەتكەن ازاماتتى ىزدەۋ ءۇشىن ارنايى توپ قۇرىپ, وعان ەرىكتىلەر دە قوسىلدى. كەيىنىرەك بۇل توپ قاتارى توتەنشە جاعدايلار جونىندەگى دەپارتامەنت كۇشتەرىمەن تولىقتى. بىراق, ىزدەۋ جۇمىستارى ءالى ناتيجە بەرەر ەمەس. سوعان قاراماستان, سىرداريا وزەنىندە ىزدەستىرۋ جۇمىستارى دا ءالى جالعاسۋدا.
وبلىستىق پروكۋراتۋرا مەن پوليتسيا دەپارتامەنتىنىڭ باسشىلارى وسى ماسەلەگە بايلانىستى ارنايى جيىن وتكىزدى. وسى وقيعاعا بايلانىستى 24 اقپاندا وبلىستىق پروكۋراتۋرانىڭ نۇسقاۋىنا سايكەس قر قك 99-بابىمەن ءىس قوزعالدى. قازىرگى تاڭدا ءتيىستى تەرگەۋ امالدارى جۇرگىزىلۋدە.
قالعان مالىمەتتەر قىلمىستىق-پروتسەستىك كودەكستىڭ 201-بابىنىڭ تالابىنا سايكەس جاريا ەتىلمەيدى. قىلمىستىق ءىس وبلىستىق پروكۋراتۋرا, پوليتسيا دەپارتامەنتى باسشىلارىنىڭ باقىلاۋىندا تۇر.
