ەندى قازاقستاندىقتار ۇلتتىق كۋالاندىرۋشى ورتالىقتىڭ ەلەكتروندى تسيفرلى قولتاڭباسىن «ەلەكتروندى ۇكىمەت» پورتالىنان نەمەسە تۇرعىلىقتى مەكەنجايى بويىنشا حالىققا قىزمەت كورسەتۋ ورتالىقتارىنان الادى. ال بۇعان دەيىن بەرىلگەن قر قم مكك ەلەكتروندى سالىق تولەۋشى رەتىندە تىركەلۋ كىلتى جارامسىز دەپ تانىلادى.
ۇلتتىق كۋالاندىرۋشى ورتالىعى جەكە تۇلعالارعا, زاڭدى تۇلعالارعا, قر رەزيدەنتى ەمەس تۇلعالارعا ەلەكتروندى تسيفرلى قولتاڭبا مەن SSL تەحنيكالىق سەرتيفيكاتىن بەرەدى. ايتا كەتەيىك, ەلەكتروندى تسيفرلى قولتاڭبا بارلىق مەملەكەتتىك قىزمەتكەرلەرگە تابىسى مەن مۇلكى دەكلاراتسياسىن تاپسىرۋ ءۇشىن قاجەت.
2020 جىلدىڭ 1 قاڭتارىنا دەيىن 619 295 زاڭدى جانە جەكە تۇلعادا مەملەكەتتىك كىرىستەر ورگاندارىنىڭ ەلەكتروندى سالىق تولەۋشى رەتىندە تىركەلۋ كىلتى بولعان.
