ءباسپاسوز ءماسليحاتىنا ەكولوگيا, گەولوگيا جانە تابيعي رەسۋرستار ۆيتسە-ءمينيسترى سانجار جاركەشوۆ, مينيسترلىكتىڭ گەولوگيا كوميتەتىنىڭ توراعاسى اقباتىر نادىرباەۆ جانە قازاقستان مۇنايشى-گەولوگتەر قوعامىنىڭ پرەزيدەنتى بالتابەك قۋاندىقوۆ قاتىستى.
سپيكەرلەردىڭ اقپاراتى بويىنشا قازىرگى ۋاقىتتا مەملەكەتتىك باعدارلاما ازىرلەنۋدە, ونىڭ باستى مىندەتى – شيكىزات بازاسىن تولىقتىرۋ, سالاعا ينۆەستيتسيا تارتۋ. ۆيتسە-مينيستر س.جاركەشوۆ اتاپ وتكەندەي, 76 نىساندا جۇرگىزىلگەن گەولوگيالىق زەرتتەۋلەر ناتيجەسىندە رەسپۋبليكانىڭ بارلىق وڭىرلەرىندە پايدالى قازبالاردى انىقتاۋعا ارنالعان پەرسپەكتيۆالىق كەن ورنى انىقتالدى.
مالىمەتتەر بويىنشا التىننىڭ بولجامدى رەسۋرستارى – 2,3 مىڭ توننا, مىس – 33 ملن توننا, پوليمەتالدار 35,6 ملن توننا دەپ باعالانادى, 500 مىڭ توننا سيرەك مەتالدار (قالايى, ۆولفرام), سونداي-اق ليتي جانە سيرەك جەر ەلەمەنتتەرى رەسۋرستارى بار. ال كومىرسۋتەگى قورلارى 4,4 ملرد توننانى قۇراپ وتىر.
ء«بىز جاڭا اشىلۋلاردىڭ الەۋەتى زور ەكەنىنە كوز جەتكىزدىك. وسى ارقىلى اسىرەسە جەزقازعان, ساتباەۆ, زىريان جانە ريددەر قالالارىنىڭ ماڭىندا جاڭا جۇمىس ورىندارىن قۇرىپ, حالىقتىڭ جۇمىسپەن قامتىلۋىن ارتتىرۋ مۇمكىندىكتەرى بار» دەپ اتاپ ءوتتى س. جاركەشوۆ.
سپيكەرلەر ءوز سوزدەرىندە 2025 جىلعا قاراي مەملەكەتتىك باعدارلامانى ىسكە اسىرۋ: زەرتتەۋ ءۇشىن قولجەتىمدى 1,25 ملن شارشى شاقىرىم اۋماقتىڭ زەرتتەلۋىن 37%-عا دەيىن جەتكىزۋگە; پايدالى قازبالاردىڭ بولجامدى رەسۋرستارىن باعالاۋعا جانە شامامەن 40-50 پەرسپەكتيۆالى ۋچاسكەلەردى انىقتاۋعا; شوگىندى باسسەيندەردىڭ زەرتتەلۋ دارەجەسىن ارتتىرۋعا, سونىڭ ىشىندە يگەرىلگەن باسسەيندەردىڭ زەرتتەلۋ دەڭگەيىن 60%-عا دەيىن, از زەرتتەلگەندەردى 10%-عا دەيىن جەتكىزۋگە, قاتتى پايدالى قازبالار مەن كومىرسۋتەگى شيكىزاتىنىڭ باسىم تۇرلەرى بويىنشا بولجامدى رەسۋرستاردىڭ ءوسۋىن قامتاماسىز ەتۋگە مۇمكىندىك بەرەتىنىن ايتتى.
گەولوگيالىق عىلىمدى دامىتۋعا باسا نازار اۋدارىلاتىن بولادى. سونىڭ ىشىندە وڭىرلىك ىزدەستىرۋ جانە بارلاۋ ساتىلارىن عىلىمي-زەرتتەۋ جانە تالدامالىق سۇيەمەلدەۋگە ەرەكشە ەكپىن تۇسىرىلمەك.
وسى رەتتە ايتا كەتەتىن ءبىر ماسەلە, مەملەكەتتىك باعدارلامانى ىسكە اسىرۋ ءۇشىن بولىنگەن 200 ملرد تەڭگە بيۋدجەت سالىمى 800 ملرد تەڭگە بولىپ قايتادى دەگەن بولجام جاسالۋدا. ياعني ءاربىر سالىنعان
1 تەڭگە 4 تەڭگە پايدا اكەلەدى دەپ كۇتىلۋدە.
