قازاقستان • 25 اقپان، 2020

قازاقستانداعى كوروناۆيرۋس بويىنشا ەپيدەميولوگيالىق جاعداي

74 رەتكورسەتىلدى

قحر مەن شەكارالاس مەملەكەتتەردەن كەلگەن ازاماتتارعا مونيتورينگ جالعاسۋدا. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى حابارلادى.

ماسەلەن، 2020 جىلعى 6 قاڭتاردان 25 اقپانعا دەيىن ەلىمىزگە 32 141 ادام كەلدى.

6 قاڭتار - 25 اقپان ارالىعىندا دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ سانيتاريالىق-كارانتيندىك پۋنكتتەرىنىڭ ماماندارى حالىقارالىق اۋەجايلاردا جانە تەمىرجول ۆوكزالدارىندا قىتايمەن شەكارالاس مەملەكەتتەر ارقىلى وتكىزۋ پۋنكتتەرىندە – 32 141 ادامدى قاراپ-تەكسەردى.

مونيتورينگكە بارلىعى 24 467 كەلگەندەر الىندى، 23 977 قامتىلدى، مونيتورينگتەن 24 329 الىندى، سوڭعى 14 كۇندە كەلگەن 138 ادام مەديتسينالىق باقىلاۋدا قالدى جانە اۋرۋحاناعا جاتقىزىلعاندار 36 ادام.

بۇگىنگى كۇنگە دەيىن جرۆي بەلگىلەرىمەن 165 ادام كوپشىلىكتەن وقشاۋلانىپ، ەمدەۋگە جاتقىزىلدى، ونىڭ 158 شىعارىلدى، ستاتسيونارلاردا مەديتسينالىق باقىلاۋدا 7 ادام قالدى.

سونداي-اق، كەشە تاڭەرتەڭگى ساعات 2:30-دا نۇر سۇلتان قالاسىنا توكيو قالاسىنان 20 قازاقستاندىق ازامات كەلدى (ونىڭ ىشىندە 4 ادام – «Diamond Princess» جاپون لاينەرىنىڭ جولاۋشىلارى). بارلىعى مەديتسينالىق جانە زەرتحانالىق تەكسەرۋدەن ءوتۋ ءۇشىن اۋرۋحاناعا جەتكىزىلدى. دەنساۋلىق جاعدايى قاناعاتتانارلىق.  

ەمدەۋگە جاتقىزىلعانداردىڭ بارلىعىنىڭ سىناماسىن قوسىمشا باقىلاۋ ءۇشىن الماتىداعى ايقىمباەۆ اتىنداعى اسا قاۋىپتى ينفەكتسيالار ۇلتتىق عىلىمي ورتالىعىنا جىبەرىلدى. بۇل ورتالىق جاڭا كوروناۆيرۋستى پتر-دياگنوستيكالاۋ ادىستەمەسىن يگەرگەن.

رەسپۋبليكادا قولداۋشى تەراپيا ءۇشىن قاجەتتى دارىلىك زاتتار مەن مەديتسينالىق ماقستاتتاعى بۇيىمدار بار، ينفەكتسيالىق اۋرۋحانالاردا وقشاۋلاۋعا ارنالعان بوكستار بار ورىندار، دارىگەرلىك جانە ورتا مەديتسينا پەرسونالى دايىندالعان.
بۇل جاعداي قر دەنساۋلىق ساقتاۋ مينيسترلىگىنىڭ تۇراقتى باقىلاۋىندا ەكەنىن اتاپ ءوتۋ قاجەت.

قازاقستان رەسپۋبليكاسى دەنساۋلىق ساقتاۋ مينيسترلىگى جاڭا كوروناۆيرۋس ينفەكتسياسىنىڭ تارالۋىن بولدىرماۋ ءۇشىن كەلەسى الدىن-الۋ شارالارىن ساقتاۋ قاجەت:
- قولدارىڭىز بەن بەتتى سابىنمەن ءجيى جانە مۇقيات جۋىڭىز;
- قولدى زالالسىزداندىرۋدا ءسپيرتتى انتيسەپتيكتەردى قولدانۋ;
- ادامدار كوپ جينالاتىن ورىنداردان اۋلاق بولىڭىز;
- ناۋقاس ادامدارمەن بايلانىستا بولماۋعا;
- سۋىق تيۋ بەلگىلەرى (جوعارى تەمپەراتۋرا، مۇرىننىڭ بىتەلۋى، جوتەل، تاماقتىڭ اۋرۋى) پايدا بولعان جاعدايدا، تۇرعىلىقتى جەرىڭىز بويىنشا دارىگەرمەن كەڭەسۋ كەرەك.

رەسمي اقپاراتتى دەنساۋلىق ساقتاۋ مينيسترلىگىنىڭ فەيسبۋكتەگى پاراقشاسىنان وقي الاسىزدار جانە تۋىنداعان سۇراقتار بويىنشا 1406 ءنومىرى بويىنشا تاۋلىك بويى جۇمىس ىستەيتىن Call-ورتالىعىنا قوڭىراۋ شالۋعا بولادى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار