ەكونوميكا • 25 اقپان، 2020

قازاقستان جول قاۋىپسىزدىگىن قامتاماسىز ەتۋدە الەمدىك تاجىريبەنى قولدانباق

10 رەتكورسەتىلدى

وتاندىق اۆتوموبيل جولدارى سالاسىنىڭ وكىلدەرى شۆەتسيا استاناسى، ستوكگولمدە جول قوزعالىسى قاۋىپسىزىدىگى تاقىرىبىندا وتكەن ءىىى دۇنيەجۇزىلىك مينيسترلىك كونفەرەنتسياسىنا قاتىستى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

اپاتتىلىققا قاتىستى ستاتيستيكالىق مالىمەتتەر بار الەمدە رەكوردتىق كورسەتكىشتەرگە جەتكەن. تەك رەسمي دەرەكتەرگە عانا سۇيەنسەك، جكو-نىڭ سالدارىنان جىلىنا 1 ملرد 35 ملن ادام كوز جۇمسا، 50 ملن ادام ءتۇرلى جاراقات الادى. بۇگىنگى تاڭدا جول-كولىك وقيعالارى جاسى 5-تەن 29-عا دەيىنگى بالالار مەن جاستار اراسىنداعى ءولىم-ءجىتىمنىڭ باستى سەبەپتەرىنىڭ ءبىرى بولىپ وتىر. وسى جاھاندىق ماسەلەنى شەشۋ جولدارى شۆەتسيا ۇكىمەتى مەن دۇنيەجۇزىلىك دەنساۋلىق ساقتاۋ ۇيىمى مۇرىندىق بولعان حالىقارالىق فورۋمدا تالقىلاندى. ىشىندە قازاقستاننىڭ وكىلدەرى بار 80 ەلدىڭ 1500 دەلەگاتى اپاتتىلىق دەڭگەيىن تومەندەتۋگە باعىتتالعان باعدارلامالاردى ىسكە اسىرۋ تاجىريبەسىمەن ءبولىسىپ، جول قوزعالىسى قاۋىپسىزدىگىن قامتاماسىز ەتۋدىڭ ستراتەگيالىق باعىتتارىن انىقتادى.

وسىلايشا، شارا بارىسىندا كونفەرەنتسياعا قاتىسۋشىلار ستوكگولم دەكلاراتسياسىن ماقۇلدادى. وندا مەملەكەت باسشىلارى مەن ۇكىمەتتەرىنىڭ دەڭگەيىندە جول قوزعالىسى قاۋىپسىزدىگى تاقىرىبىنا ارنالعان بۇۇ باس اسسامبلەياسىنىڭ كەڭەسىن وتكىزۋ ۇسىنىلعان. قۇجاتتا كورسەتىلگەن ءىس جۇزىندەگى قادامدارعا كەلەر بولساق، كولىكتىڭ نەعۇرلىم قاۋىپسىز، ەكولوگيالىق تازا تۇرلەرىنە كوشۋدى جەدەلدەتۋ، جوعارى ساپالى مەديتسينالىق كومەككە ۋاقتىلى قول جەتكىزۋدى قامتاماسىز ەتۋ، سونداي-اق اۆتوموبيلدەردىڭ جىلدامدىعىنا باقىلاۋدى كۇشەيتۋ جونىندەگى شارالار ەرەكشە ورىن الادى.

قۇرامىنا قر يدم اۆتوموبيل جولدارى كوميتەتىنىڭ «ۇلتتىق جول اكتيۆتەرى ساپاسى ورتالىعى» رمك وكىلدەرى كىرگەن قازاقستاندىق دەلەگاتسيا بىرقاتار ەكىجاقتى كەزدەسۋلەر وتكىزىپ، جول قاۋىپسىزدىگى سالاسىنداعى جاھاندىق ترەندتەر قارالعان سەمينارعا قاتىستى.

قازاقستاننىڭ ستوكگولمدەگى مينيسترلىك كەزدەسۋگە قاتىسۋى جانە شارا اياسىندا ءىس جۇزىندە تاجىريبە الماسۋى ءبىزدىڭ ەلىمىزدەگى جول قوزعالىسى قاۋىپسىزدىگىن قامتاماسىز ەتۋدى دامىتۋدا زاماناۋي تەحنولوگيالار مەن ەڭ ۇزدىك تاجىريبەلەردى تارتۋعا ىقپال ەتپەك.

ايتا كەتەيىك، شۆەتسيا الەمنىڭ باسقا ەلدەرى ۇلگى ەتەر جول قوزعالىسى قاۋىپسىزدىگىن قامتاماسىز ەتۋدىڭ جاڭا Vision Zero تاسىلدەمەسىن قولدانادى.

سوڭعى جاڭالىقتار

ۇقساس جاڭالىقتار