دۇنيەجۇزىلىك ساۋدا ۇيىمىنىڭ (دسۇ) باس ديرەكتورى روبەرتو ازەۆەدومەن كەزدەسۋ بارىسىندا تاراپتار اعىمداعى جىلدىڭ ماۋسىمىندا نۇر-سۇلتانداعى دسۇ-نىڭ 12-ءشى مينيسترلىك كونفەرەنتسياسىنىڭ دايىندىق بارىسىن تالقىلادى. تۇراقتى جانە بولجامدى حالىقارالىق ساۋدا جۇيەسىن قۇرۋ جانە دسۇ رەفورمالاۋ كونتەكستىندە فورۋمنىڭ جوعارى وزەكتىلىگى, سونداي-اق مينيسترلىك فورۋم قارساڭىندا وتكىزىلەتىن دسۇ ماسەلەلەرى بويىنشا پارلامەنتتىك كونفەرەنتسيانىڭ ماڭىزدىلىعى اتاپ ءوتىلدى.
جەنەۆاداعى بۇۇ بولىمشەسىنىڭ باس ديرەكتورى تاتيانا ۆالوۆايامەن وتكەن كەزدەسۋدە سۇحباتتاسۋشىلار قازاقستاننىڭ جەنەۆاداعى بۇۇ جۇيەسىنىڭ ۇيىمدارىمەن ىنتىماقتاستىعىن جانداندىرۋ پەرسپەكتيۆالارى تۋرالى پىكىر الماستى.
م. تىلەۋبەردى ەكىجاقتى جانە كوپجاقتى ىنتىماقتاستىق ماسەلەلەرىن تالقىلاۋ ءۇشىن شۆەيتساريا مەن فينليانديا سىرتقى ساياسي ۆەدومستۆولارىنىڭ باسشىلارى يگناتسيو كاسسيس جانە پەككا حااۆيستومەن كەزدەستى.
