ايماقتار • 25 اقپان، 2020

مال ساتىپ الۋعا بولىنگەن 5،3 ميلليارد تەڭگەنىڭ بۇگىنگە 2،2 ميلليارد تەڭگەسى عانا يگەرىلگەن

34 رەتكورسەتىلدى

جامبىل وڭىرىندە قولعا الىنىپ، ەل ۇكىمەتىنەن قولداۋ تاپقان تۇرعىنداردىڭ تۇرمىستىق تابىسىن جاقسارتۋدىڭ پيلوتتىق جوباسى حالىققا بەرىلگەن ۇلكەن مۇمكىندىك. قازىرگى تاڭدا مەملەكەت تاراپىنان بەرىلگەن نەسيەگە مال الىپ، تىرلىگىن تىكتەپ وتىرعان شارۋالار كوپ. الايدا، بولىنگەن قاراجات قالاي يگەرىلۋدە؟ وبلىستىڭ 10 اۋدانىنان تاڭدالىپ الىنعان 11 اۋىلدىق وكرۋگتىڭ تۇرعىندارى بەرىلگەن مۇمكىندىكتى ءتيىمدى پايدالانىپ وتىر ما؟

بۇگىندە اتالعان جوبا اياسىندا 5،4 ميلليارد تەڭگەگە 1،7 مىڭنان استام ءوتىنىم قارجىلاندىرىلعان. ودان بولەك تاعى 664 ءوتىنىم «تاراز» الەۋمەتتىك-كاسىپكەرلىك كورپوراتسياسىمەن قارالۋدا دەسەك، ولاردىڭ  قورىتىندىسى بيىلعى 10 ناۋرىزعا دەيىن بەلگىلى بولادى. جامبىل وبلىسى اكىمىنىڭ ورىنباسارى مۇراتحان شۇكەەۆ جوبانىڭ بارلىق بەس باعىتى اياسىندا ايماق بويىنشا تاڭدالىپ الىنعان پيلوتتىق 11 اۋىلدىق وكرۋگتەگى اۋلالاردىڭ  88 پايىزى قاتىسىپ جاتقانىن مالىمدەدى.

بۇل قاناتقاقتى جوبانىڭ تەك وبلىس عانا ەمەس، سونداي-اق، بارشا ەلىمىزدىڭ تۇرعىندارىنىڭ تۇرمىسىن ارتتىرۋ جولىنداعى ماڭىزدىلىعى وراسان. وسى ماسەلەگە وراي وتكەن جيىندا جامبىل وبلىسىنىڭ اكىمى بەردىبەك ساپارباەۆ جەرگىلىكتى جەرلەردەگى اكىمدەر ۇتىمدى ۇيىمداستىرۋ جۇمىستارىن كۇشەيتۋ كەرەكتىگىن ايتقان ەدى. سونىمەن قاتار اكىم كەپىل قۇجاتتارىنىڭ قارالۋىنا كوپ ۋاقىت كەتىپ وتىرعانىن، مال ساتىپ الۋعا بولىنگەن 5،3 ميلليارد تەڭگەنىڭ بۇگىنگە دەيىن تەك 2،2 ميلليارد تەڭگەسى عانا يگەرىلگەنىن دە ەسكەرتكەن.

الداعى ۋاقىتتاردا ءاربىر ەلدى مەكەندە جوبانى ىسكە اسىرۋعا ارنايى جاۋاپتى ادامدى بەكىتىلەتىن بولادى. اكىم ءوزىنىڭ ورىنباسارلارى مۇراتحان شۇكەەۆ پەن نۇرجان كالەندەروۆكە كوكتەمگى ەگىس دالا جۇمىستارى باستالعانعا دەيىن، ياعني 10 ناۋرىزعا دەيىن ءوتىنىش بەرۋشىلەردىڭ قۇجاتتارىن تولىق راسىمدەپ، نەسيەلەندىرۋ، جەر تەلىمدەرىن بەرۋ، مال مەن تەحنيكانى ساتىپ الۋ بويىنشا ءىس-شارالاردى اياقتاۋدى دا تاپسىرعان.

          

جامبىل وبلىسى

سوڭعى جاڭالىقتار

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ارىستار رۋحىنا قۇرمەت

پىكىر • بۇگىن، 08:33

ەل ءۇشىن ماڭىزدى باستاما

پىكىر • بۇگىن، 08:25

ۇقساس جاڭالىقتار