جامبىل وبلىسى اكىمىنىڭ ورىنباسارى مۇراتحان شۇكەەۆتىڭ ايتۋىنشا, كوكتەمگى ەگىستىككە قاجەتتى ءداندى ماساق تۇقىمدارىنىڭ ءتيىستى كولەمى ازىرلەنگەن. سونداي-اق كارتوپ 90 پايىزعا, مايلى داقىلدار 88,7 پايىزعا, قولدانىستاعى 8,4 مىڭ بىرلىك اۋىل شارۋاشىلىق تەحنيكاسى 98 پايىزعا دايىن.
سونىمەن قاتار 18,3 مىڭ توننا ديزەل وتىنىن ارزانداتىلعان باعامەن جەتكىزۋ ناۋرىز ايىندا باستالادى دەپ كۇتىلۋدە. سونىمەن قاتار ونىمدىلىكتى ارتتىرۋ ماقساتىندا 25,7 مىڭ توننا مينەرالدى تىڭايتقىشتار ساتىپ الۋ ءۇشىن جەرگىلىكتى بيۋدجەتتەن 1 ميلليارد تەڭگە قاراستىرىلماق.
جيىندا بەردىبەك ساپارباەۆ جاقسى ءونىم الۋ ءۇشىن ساپالى تۇقىم دايىنداۋ مەن ەگۋدىڭ ماڭىزدىلىعىن اتاپ ءوتتى. «اسىرەسە, قانت قىزىلشاسى, مايلى داقىلدار, كوكونىستەر مەن باقشا داقىلدارىن كوبىرەك وسىرۋگە دەن قويعان ابزال», دەدى اكىم. تاعى ءبىر ايتا كەتەتىن ماسەلە, شەكارا ماڭىنداعى اۋدانداردىڭ قاجەتتىلىكتەرىنە كوڭىل ءبولىپ, ماۋسىمدىق كەزەڭدە سۋ تاپشىلىعى تۋىنداماس ءۇشىن قىرعىز كورشىلەرمەن الدىن-الا كەلىسسوزدەر جۇرگىزۋ قاجەت.
«اۋداندارداعى جۇمىس ساپارىمدا تۇرعىنداردىڭ دەنى بوس جەرلەردىڭ جوقتىعىن ايتىپ شاعىمدانۋدا. سوندىقتان دا, ەڭ الدىمەن تالداۋ, تۇگەندەۋ جۇمىستارىن جۇرگىزىپ, پايدالانۋسىز جاتقان جەرلەردى مەملەكەت مەنشىگىنە قايتارۋ جانە ولاردى اۋىل شارۋاشىلىق ماقساتىندا اينالىمعا ەنگىزۋ نەگىزگى مىندەت بولىپ وتىر», دەدى بەردىبەك ساپارباەۆ.
جامبىل وبلىسى
