قازاقستان • 25 اقپان، 2020

دەنساۋلىق ساقتاۋ مينيسترلىگى توكيودان ۇشىپ كەلگەن جولاۋشىلاردان كەشىرىم سۇرادى

89 رەتكورسەتىلدى

دەنساۋلىق ساقتاۋ مينيسترلىگى 24 اقپان كۇنى Scat اۋە كومپانياسىنىڭ ۇشاعىمەن توكيودان ۇشىپ كەلگەن جولاۋشىلاردان كەشىرىم سۇرادى. بۇل تۋرالى مينيسترلىكتىڭ Facebook پاراقشاسىندا جاريالاندى.

مينيسترلىكتىڭ مالىمەتىنە سايكەس، توكيودان ۇشىپ كەلگەن جولاۋشىلار 14 كۇنگە كارانتينگە جاتقىزىلعان. مۇنداي توتەنشە سانيتارلىق-كارانتين شاراسى كوروناۆيرۋس ينفەكتسياسىنىڭ ورشۋىنە بايلانىستى ازاماتتاردىڭ قاۋىپسىزدىگىن قامتاماسىز ەتۋ ماقساتىندا قابىلدانعان-دى.

«اتالعان ينفەكتسيا بۇگىندە قوعام دەنساۋلىعىنا قاتەر ءتوندىرىپ وتىر. ايتا كەتۋ كەرەك، بۇل شەشىم بارلىق تالاپتارعا ساي، قىسقا مەرزىم ىشىندە قابىلداندى. قازىرگى تاڭدا بارلىق جولاۋشىلار تاۋلىك بويى دارىگەرلەردىڭ باقىلاۋىنداعى مەديتسينالىق مەكەمەدە جاتىر. ول نۇر-سۇلتان قالاسىنان 7 شاقىرىم قاشىقتىقتا ورنالاسقان. ولاردان سىناما الىنىپ، الماتىداعى ايقىمباەۆ اتىنداعى قاۋىپتى ينفەكتسيالاردى زەرتتەيتىن ۇلتتىق عىلىمي ورتالىققا جونەلتىلدى»، دەپ جازدى مينيسترلىك.

ەسكە سالا كەتەيىك، كەشە جاپوندىق Diamond Princess لاينەرىنىڭ بورتىندا بولعان قازاقستاننىڭ 4 ازاماتى قازاقستانعا ورالدى. ولار نۇر-سۇلتان قالاسى №3 كوپبەيىندى اۋرۋحاناسىنىڭ جانىنداعى ينفەكتسياعا قارسى كورپۋسقا جاتقىزىلعان بولاتىن. دەنساۋلىق ساقتاۋ مينيسترلىگىنە قاراستى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى قازاقستاندا كوروناۆيرۋس ينفەكتسياسىن جۇقتىرعان ادام تىركەلمەگەنىن حابارلادى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار