«Aibyn-Arqa» كلۋبىنىڭ نەگىزىن قالاۋشى جانە ۇيلەستىرۋشىسى قۋانىش ماقسۇتوۆ ۇيىمنىڭ ءبىرىنشى وتىرىسىن وتكىزىپ, وتكەن جىلدىڭ قورىتىندىسىن شىعارىپ, 2020 جىلعا ارنالعان جوسپاردى تالقىلاعاندارىن اتاپ ءوتتى.
– ارداگەرلەر جانە قوعامدىق ۇيىمدارمەن, اسكەري-پاتريوتتىق كلۋبتاردىڭ جەتەكشىلەرىمەن, اسكەري ءبىلىم بەرۋدى قامتاماسىز ەتەتىن مەكتەپ مۇعالىمدەرىمەن كەلىسە وتىرىپ, كلۋبتىڭ جاڭا ەرەجەلەرى بەكىتىلدى, – دەدى ول.
سونىمەن قاتار, ول بيىلعى جىلدان باستاپ كلۋب اي سايىن قازاقتىڭ جانە بۇگىنگى قازاقستاننىڭ باتىرلارىن ەسكە الۋ كەشىن وتكىزىپ وتىراتىنىن حابارلادى.
وسى جولى اتالعان كلۋب ءاليا مولداعۇلوۆاعا ارنالعان ادەبي-مۋزىكالىق كەش ۇيىمداستىردى. شارا اياسىندا باتىر قىز اتىنداعى سپورت مەكتەپ-كوللەدجىمەن بىرلەسىپ, ۇلى جەڭىس كۇنىنە ارنالعان تاقىرىپتىق كورمە وتكىزىلدى.
«Aibyn-Arqa» كلۋبتارى جاستارعا پاتريوتتىق تاربيە بەرۋ, سونداي-اق جاستاردىڭ ۇلى وتان جانە اۋعان سوعىسى ارداگەرلەرىمەن, چەرنوبىل اپاتىنىڭ زارداپتارىن جويۋشىلارمەن بىرلەسە جۇمىس ىستەۋ الاڭقايىن قۇرۋدى ماقسات ەتەدى.
قاراعاندى وبلىسى
