ۇكىمەت • 25 اقپان، 2020

اسقار مامين «بيزنەسكە ارنالعان ۇكىمەت» جوباسىن ىسكە اسىرۋ جۇمىستارىن اياقتاۋدى تاپسىردى

39 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا بيزنەس احۋالدى جاقسارتۋ شارالارى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

اتالعان باعىتتا اتقارىلىپ جاتقان جۇمىستار تۋرالى ۇلتتىق ەكونوميكا ءمينيسترى ر. دالەنوۆ، «اتامەكەن» ۇكپ باسقارما توراعاسىنىڭ ورىنباسارى ە. جۇماعازيەۆ جانە پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ باياندادى.

قازاقستاندا كاسىپكەرلىكتى قولداۋ «بيزنەستىڭ جول كارتاسى»، «ەڭبەك» جانە «قاراپايىم زاتتار ەكونوميكاسى» باعدارلامالارى اياسىندا جۇزەگە اسىرىلۋدا. 2019 جىلى وسى باعدارلامالار اياسىندا 5903 جوبا بويىنشا قارجىلىق قولداۋ كورسەتىلدى، ونىڭ 3700-ءى جۇمىس ىستەپ تۇرعان كاسىپورىندارعا جانە 2200-ءى جاڭا ءوندىرىس ورنىن قۇرۋعا نەمەسە جۇمىس ىستەپ تۇرعاندارىن كەڭەيتۋگە باعىتتالدى.

2019 جىلى ءجىو-دەگى شوب ۇلەسى 29،5%-دى قۇرادى. وتكەن بەس جىلدا اكىمشىلىك كەدەرگىلەردى جانە بيزنەستىڭ ءتۇرلى وپەراتسيالىق شىعىندارىن قىسقارتۋعا باعىتتالعان زاڭنامالىق باستامالاردىڭ 7 پاكەتى قابىلداندى.

قابىلدانعان رەفورمالاردىڭ ناتيجەسى — قازاقستاننىڭ بيزنەستى جۇرگىزۋ جەڭىلدىگى بويىنشا دۇنيەجۇزىلىك بانكتىڭ «Doing Business» رەيتينگىسىندە الەمنىڭ 190 مەملەكەتىنىڭ اراسىندا توپ-25 ۇزدىك ەلدىڭ قاتارىنا كىرۋى بولدى.

قازىرگى ۋاقىتتا بيزنەس احۋالدى جاقسارتۋ ماسەلەلەرى بويىنشا زاڭنامالىق شارالاردىڭ 8-پاكەتى ازىرلەنىپ، پارلامەنتتىڭ قاراۋىنا جىبەرىلدى. قۇجات شارتتاردى تىركەۋ ءراسىمىن وڭايلاتۋدى ء(مورتابان قويۋدى جويۋ)، قوسىلعان قۇن سالىعىن تولەۋشىنى تىركەۋ ءتارتىبىن جەدەلدەتۋدى (ونلاين، 1 كۇن ىشىندە)، 1 كۇن ىشىندە ونلاين بانكتىك شوتتاردى اشۋ مۇمكىندىگىن، جەكەلەگەن راسىمدەر بويىنشا حابارلاۋ قاجەتتىگىن بولدىرماۋدى (مسقب، جول پوليتسياسى)، اقپاراتقا جاريا قول جەتكىزۋ ارقىلى مامىلەلەردىڭ قاۋىپسىزدىگىن ارتتىرۋدى (تىيىم سالۋ، اۋىرتپالىقتار، زاڭدى تۇلعالار ءۇشىن جىلجىمايتىن م ۇلىككە مەنشىك قۇقىعى تۋرالى)، بىرقاتار رۇقسات بەرۋ قۇجاتتارىن ءبىر پاكەتكە بىرىكتىرۋدى جانە ت. ب. قاراستىرادى.

«ۇكىمەت الدىنا شوب ءرولىن كۇشەيتۋ جانە ونىڭ ەل ەكونوميكاسىنداعى ۇلەسىن 2025 جىلعا قاراي كەمىندە 35%-عا، ال 2050 جىلعا قاراي 50%-عا جەتكىزۋ مىندەتى قويىلدى. وسى كورسەتكىشتەرگە قول جەتكىزۋ جانە بيزنەستى دامىتۋعا بارىنشا قولايلى جاعداي جاساۋ ءۇشىن اۋقىمدى ءارى جوسپارلى جۇمىستار جۇرگىزىلىپ جاتىر»، دەدى ا. مامين.

پرەمەر-مينيستر بيزنەستى دامىتۋعا ىقپال ەتەتىن جانە ازاماتتاردىڭ كاسىپكەرلىك بەلسەندىلىگىن ىنتالاندىراتىن شارالار مەن باعدارلامالاردىڭ تيىمدىلىگىن اتاپ ءوتتى.

«قازىرگى ۋاقىتتا مەملەكەت باسشىسىنىڭ العا قويعان مىندەتتەرىن ساپالى ءارى ءتيىمدى شەشۋ ءۇشىن ۇيلەسىمدى جۇمىستى قولعا الۋ كەرەك. وسىعان بايلانىستى بيزنەس احۋالدى جاقسارتۋ بويىنشا 8-ءشى شارالار پاكەتىن قابىلداۋدى جەدەلدەتىپ، وسى جىلدىڭ 1 ماۋسىمىنا دەيىن پارلامەنتتە ءتيىستى جۇمىستاردى جۇرگىزۋ قاجەت»، دەدى ا. مامين.

ۇكىمەت باسشىسى ۇلتتىق ەكونوميكا مينيسترلىگىنە وسى جىلدىڭ 1 شىلدەسىنە دەيىن ء«بىر تەرەزە» قاعيداتى نەگىزىندە كاسىپكەرلەردى مەملەكەتتىك قولداۋ شارالارىن الۋ راسىمدەرىن جەڭىلدەتەتىن «بيزنەسكە ارنالعان ۇكىمەت» جوباسىن ىسكە اسىرۋ جۇمىستارىن اياقتاۋدى تاپسىردى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار