«قازگيدرومەتتىڭ قازىرگى بولجامى بويىنشا ەلدەگى قار قورى مەن وزەن باسسەيندەرىندەگى ىلعال قورىنىڭ كولەمى نورمادان ايتارلىقتاي جوعارى بولىپ وتىر. قار باسۋ پروتسەسى جالعاسۋدا. نۇر-سۇلتان قالاسىندا, اقمولا, شىعىس قازاقستان, قاراعاندى, قوستاناي, پاۆلودار جانە سولتۇستىك قازاقستان وبلىستارىندا جاعدايدىڭ قيىنداۋ ىقتيمالدىعى جوعارى. قازىر ەلىمىزدە 609 ەلدى مەكەندى جانە 675 اۆتوموبيل جولىن جانە 259 تەمىر جولدى سۋ باسۋ قاۋپى بار. تاسقىننىڭ الدىن الۋ ماقساتىندا جەرگىلىكتى اتقارۋشى ورگاندار ەلدى مەكەندەردەن 8,8 ملن تەكشە مەتردەن اسا قار شىعاردى», - دەدى ەرلان تۇرعىمباەۆ.
ءمينيستردىڭ مالىمەتىنە سايكەس, توتەنشە جانە شۇعىل شىعىندارعا رەزەرۆتەردە 34,2 ملرد تەڭگە كوزدەلگەن.
«ىقتيمال سۋ باسۋ جاعدايىنا ەۆاكۋاتسيالاناتىن حالىقتى قابىلدايتىن 1 707 بەكەت ازىرلەنىپ, مارشرۋتتار جاڭارتىلدى, قاجەتتى كولىكتەر ءبولىندى. سونداي-اق تۇرمىس-تىرشىلىكتى قامتاماسىز ەتۋ ءۇشىن اكىمدىكتەر قاجەتتى قۇرالداردى, ازىق-ت ۇلىك پەن اۋىز سۋ قورىن دايىندادى. سۋ تاسقىنى بولعان جاعدايدا جەدەل دەن قويۋ ماقساتىندا ىشكى ىستەر ورگاندارىنان جالپى سانى 9 مىڭ ادام جانە 1 730 تەحنيكادان ارنايى كۇشتەر مەن قۇرالدار توپتامالارى قۇرىلدى», - دەدى ىشكى ىستەر ءمينيسترى.
