قازاقستان • 24 اقپان، 2020

بيىل ەلىمىزدە جولداردى جابۋ ەكى ەسەگە كوبەيگەن

18 رەتكورسەتىلدى

قىسقى كەزەڭنىڭ باستالىسىمەن اۋا رايىنىڭ قولايسىز جاعدايلارى قازاقستان جولدارىندا قوزعالىستى شەكتەۋدىڭ 800-دەن استام وقيعاسىنا سەبەپ بولدى. بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 2 ەسەگە ارتىپ وتىر. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

وسىلايشا، جولداعى جاعدايدىڭ كورىنبەۋىنەن قوزعالىسقا شەكتەۋ 572 رەت ەنگىزىلسە، كوكتايعاق كەسىرىنەن كولىك باسقارۋشىلار ساپارعا 112 رەت شىعا المادى. 15 جاعدايدا جولدارداعى قوزعالىس اۋا تەمپەراتۋراسىنىڭ تومەندىگىنە، 6 جاعدايدا جوسپارلى جوندەۋ جۇمىستارىنىڭ جۇرگىزىلۋىنە جانە قار كوشكىنىنىڭ قاۋىپ تودىرۋىنە، 114 جاعدايدا كورشى وڭىرلەردەگى اۆتوموبيل جولدارىنىڭ جابىلۋىنا بايلانىستى شەكتەلدى.

وسى قىسقى كەزەڭدە جولدار كوبىنە شىعىس قازاقستان وبلىسىندا جابىلدى. قوزعالىسقا شەكتەۋلەر 186 رەت ەنگىزىلگەن. ەكىنشى ورىندا اقمولا وبلىسى. مۇندا جولدار 156 رەت جابىلدى. ال اقتوبە وبلىسىندا جولدارداعى قوزعالىسقا 108 رەت شەكتەۋ ەنگىزىلىپتى.

ايتا كەتۋ كەرەك، ەلىمىزدە سارى، قىزعىلت سارى جانە قىزىل سياقتى اۆتوموبيل جولدارىنداعى قوزعالىس قاۋىپتىلىگىنىڭ 3 دەڭگەيى بار. سارى دەڭگەي كەزىندە اۆتوموبيل جولدارىنىڭ قاۋىپتى ۋچاسكەلەرىندە تىركەمەلەرى بار جۇك كولىكتەرىنىڭ عانا قوزعالىسىنا، قاۋىپتىلىكتىڭ قىزعىلت سارى دەڭگەيىندە ديزەلدى جانە قوعامدىق كولىكتەردىڭ قوزعالىسىنا شەكتەۋ قويىلادى. قىزىل دەڭگەي كەزىندە ادام شىعىنىنىڭ جوعارى ىقتيمالدىعىنا بايلانىستى قوزعالىس كولىكتەردىڭ بارلىق تۇرلەرى ءۇشىن جابىق بولادى.

وسىلايشا، قابىعى جۇقا شىنى ءتارىزدى كوكتايعاق، كورىنۋ 50 مەترگە دەيىن تومەندەگەن جاعدايداعى تۇماندار، ورتاشا جىلدامدىعى سەكۋندىنا 20 مەتر جانە سەكۋندىنا 25 مەتر جەتەتىن داۋىلدى جەل كەزىندە جولدار جابىلادى. سونداي-اق، جىلدامدىعى سەكۋندىنا كەم دەگەندە 15 مەترگە جەتەتىن جەلى بار بوران جولدارداعى قوزعالىستى جابۋدىڭ نەگىزگى سەبەپتەرىنە جاتادى. باسقاشا ايتقاندا، قازاقستاندىق لاندشافت جاعدايىندا جەل ەكپىنى كوپ كولەمدەگى قاردى جولداردىڭ قوزعالىس بولىگىنە كوشىرە الادى. ول وسىلايشا جولداعى جاعدايدىڭ كورىنۋىن تومەندەتىپ، كولىكتەردىڭ قوزعالۋىنا كەدەرگى كەلتىرەدى. بۇدان بولەك، جولداردىڭ جابىلۋىنا قالىڭ قاردىڭ جاۋى، قار كوشكىنىنىڭ ءجۇرۋى، سۋ تاسقىنى، اۋا تەمپەراتۋراسىنىڭ كۇرت تومەندەۋى سەبەپ بولادى. وسىلايشا، جازاتايىم وقيعالار مەن توتەنشە جاعدايلاردى بولدىرماۋ ءۇشىن اۆتوكولىكتىڭ جابىق جولعا شىعۋىنا قاتاڭ تىيىم سالىنادى. وكىنىشكە وراي، كوپتەگەن جۇرگىزۋشىلەر ءوز ءومىرىن قاۋىپكە تىگىپ، قاۋىپسىزدىك قىزمەتتەرىنىڭ ەسكەرتۋىن ەلەمەيدى.

سونداي-اق، ەلدى مەكەندەردەگى اۋا رايى جاعدايى اۆتوموبيل جولدارىنداعى جاعدايمەن بىردەي بولا بەرمەيتىندىگىن اتاپ ءوتۋ قاجەت. كوبىنە قالا ىشىندەگى شامالى جەل تاسجولداردا جول قىزمەتتەرىنىڭ جۇمىسىن قيىنداتاتىن ەكپىندى بورانعا اۋىسادى. ستاندارتتارعا سايكەس اۋا رايى تۇراقتانعاننان كەيىن جولشىلار كولىك قوزعالىسىن ءبىرىنشى ساناتتاعى جولداردا 2 ساعاتتان كەيىن، ەكىنشى ساناتتاعى جولداردا 4 ساعاتتان كەيىن، 3 ساناتتاعى جولداردا 5-6 ساعات ىشىندە قامتاماسىز ەتۋى ءتيىس.

ەستەرىڭىزگە سالا كەتەيىك، جالپىلاي العاندا، ەلىمىزدە 24،9 مىڭ شاقىرىم اۆتوجول قىسقى كۇتىپ ۇستاۋمەن قامتىلعان. ونىڭ 20،4 مىڭ شاقىرىمى – «قازاقاۆتوجول» جشس تەڭگەرىمىندە. 3،8 مىڭ شاقىرىمعا قايتا جاڭارتۋ جۇمىستارى ءجۇرىپ جاتقان اۋىسپالى نىسانداردا مەردىگەرلىك ۇيىمدار، ال 682 شاقىرىمعا «قازاۆتوجول» ۇك "اق «اقىلى اۆتوموبيل جولدارى ديرەكتسياسى» جاۋاپتى.

جالپى رەسپۋبليكالىق ماڭىزى بار اۆتوجولدار ۋچاسكەلەرىن تازالاۋ جۇمىستارىنا كۇن سايىن 700-گە جۋىق جول-پايدالانۋ تەحنيكاسى جۇمىلدىرىلادى.

سوڭعى جاڭالىقتار

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ارىستار رۋحىنا قۇرمەت

پىكىر • بۇگىن، 08:33

ۇقساس جاڭالىقتار