جەلاياقتار جارىستى «نۇرلى تاۋ» بيزنەس ورتالىعىنىڭ جانىندا باستالىپ, ءال-فارابي داڭعىلى بويىنشا جۇگىرىپ ءوتتى. بالالار اراسىنداعى 3 شاقىرىمدىق سايىستا كونستانتين ۆيلگەلم (14 جاس, الماتى) مەن ياروسلاۆا ساداگاەۆا (10 جاس, الماتى) ۇزدىك شىقتى.
نەگىزگى قاشىقتىقتا الماتىلىق وتباسىلىق جۇپ جەڭىسكە جەتتى. الەكسەي گۋساروۆ مارە سىزىعىن 33 مينۋت 4 سەكۋندتا قيىپ وتسە, دانا گۋساروۆا مارەگە جۇبايىنان 5 مينۋت كەيىن جەتتى. ەرلەر مەن ايەلدەر اراسىنداعى ءۇش كوشباسشى 200 000 تەڭگە كولەمىندەگى جۇلدە قورىن ءوزارا ءبولىستى.
ماۋسىمدىق جۇگىرۋ جارىسىندا العاش رەت 60 جاستان اسقان قاتىسۋشىلارعا ارنالعان سانات اشىلدى. مارە سىزىعىنا 19 استام سپورت ارداگەرلەرى شىقتى. سولاردىڭ اراسىنان تۋردۋمامات ابدازوۆ (63 جاس, بىشكەك) پەن ليۋبوۆ اسسانوۆانىڭ (62 جاس, تەمىرتاۋ) اسىعى الشىسىنان ءتۇستى.
ەندى 14 ناۋرىزدا الماتىدا كوكتەمگى جۇگىرۋ جارىسى ۇيىمداستىرىلادى. بۇگىننەن باستاپ بۇل باسەكەگە تىركەلۋ باستالدى.
