قوعام • 24 اقپان، 2020

ەلوردادا سۋ باسۋ قاۋپى بار 30-دان استام ۋچاسكە انىقتالدى

41 رەتكورسەتىلدى

ەلوردادا سۋ تاسقىنىنا قارسى شارالار كۇشەيتىلدى. كوميسسيا قالا اۋماعىندا سۋ باسۋ قاۋپى بار 30-دان استام ۋچاسكەلەردى انىقتادى. كوكتەمگى سۋ باسۋ قاۋپىنىڭ الدىن الۋ جۇمىستارى جۇرگىزىلىپ جاتىر. سونداي-اق ارىقتاردى، نوسەرلىك كارىز جۇيەلەرىن تازارتۋ جۇمىستارى جالعاسىپ جاتىر. بۇدان باسقا، ەسىل وزەنىنىڭ ارناسىن (ش. بەيسەكوۆا كوشەسىندەگى كوپىرگە دەيىن اۋدان) كەڭەيتۋ جۇمىستارى اياقتالدى. ارنانى قايتا جاڭارتۋ، سۋ رەتتەيتىن بوگەت سالۋ جۇمىستارى جۇرگىزىلىپ جاتىر. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


«سۋ تاسقىنىنا قارسى ءىس-شارالاردى كۇشەيتۋ قاجەت. ەلدى-مەكەندەرگە باسا نازار اۋدارۋىمىز كەرەك. جەكە سەكتور تۇرعىندارىنا ۇيلەرىنىڭ شاتىرلارىن جانە ىرگەلەس اۋماقتارىن قاردان ۋاقىتىلى تازالاۋ تۋرالى حابارلاما بەرىلىپ جاتىر. تۇرعىندار اۋلاسىنداعى قاردى جول جيەگىنە شىعارىپ جيناعان كەزدە عانا كوممۋنالدىق قىزمەتتەر الىپ كەتە الادى. ەلدى-مەكەندەر ەرەكشە باقىلاۋدا: يلينكا ەلدى-مەكەنىندە دامبا نىعايتىلدى، ال كوكتال - 1 ەلدى-مەكەنىندە ۋاقىتشا جەر ۇيىندىلەرى سالىندى. ءوندىرىس ەلدى-مەكەنىندە وزەن ارناسىن قالپىنا كەلتىرۋ جۇمىستارى جۇرگىزىلۋدە، بۇل وزەن سۋىنىڭ كەدەرگىسىز ءوتۋىن قامتاماسىز ەتەدى»، دەدى قالا اكىمى التاي كولگىنوۆ.

قالا مەن شەتكەرى ايماقتاردى سۋ تاسقىنىنان قورعايتىن كونترەگۋلياتوردىڭ جۇمىس رەجيمى بەكىتىلدى. كوكتەمگى سۋ تاسقىنىن قاۋىپسىز وتكىزۋدى قامتاماسىز ەتۋ ماقساتىندا مايبالىق كولىنەن «نۇرا-ەسىل» كانالىنا دەيىن جۇمىس ىستەپ تۇرعان ارنانىڭ وتكىزۋ قابىلەتى ارتتىرىلادى.

كوممۋنالدىق قىزمەتتەر كۇشەيتىلگەن رەجيمدە قار تازالاۋ جۇمىستارىن اتقارىپ جاتىر. بۇگىندە قالا اۋماعىنان 4 ملن 600 مىڭ تەكشە مەتر قار شىعارىلدى. وتكەن قىستا شىعارىلعان قار كولەمى ەكى ەسە از بولدى. بىلتىر تەك 1 ملن 900 مىڭ تەكشە مەتر قار شىعارىلدى.

«قازگيدرومەت» رمك گيدرومەتەورولوگيالىق ورتالىعىنىڭ ديرەكتورى مارينا شميدت اتاپ وتكەندەي، "بىلتىر قىستا جاۋعان قاردىڭ كولەمى - 102 مم بولسا، بيىل قىستا قاراشا مەن اقپان ارالىعىندا جاۋعان قار كولەمى 173 مم بولىپ وتىر. بۇل شامامەن ەكى ەسە نورمادان جوعارى" ء(بىر ايدىڭ نورماسى -15 مم بولسا، 15 كۇندە 34 مم قار جاۋدى).

«وسى قىستا 4 رەت بوران بولدى. بۇل كوممۋنالدىق قىزمەتكەرلەردىڭ جۇمىسىن ەداۋىر قيىنداتتى. سارسەنبى كۇنى جاڭبىر جاۋسا، بەيسەنبى كۇنى قار كۇتىلۋدە. بەيسەنبىدە جاۋىن - شاشىن مولشەرى كوپ بولادى - نورمادان جوعارى. ەكپىندى جەل كۇتىلەدى»، دەدى مارينا شميدت. سۋ تاسقىنىنا قارسى ءىس - شارالاردى وتكىزۋگە قاتىستى بارلىق ماسەلەلەر بويىنشا تۇرعىندار مىنا تەلەفوندار ارقىلى حابارلاسا الادى: «سارىارقا» اۋدانى:8-778-710-91-00، «بايقوڭىر» اۋدانى:8-702-348-82-88، 8-701-999-22-89، «الماتى» اۋدانى:8-707-795-13-88.

جەلەزودوروجنىي، پرومىشلەننىي ەلدى-مەكەندەرى: 8-778-669-97-70، قوسىمشا تەل. 8-707-878-11-31، 8-701-407-80-52.

ميچۋرينو، كۇيگەنجار، ينتەرناتسيونالنىي: 8-707-588-72-27، قوسىمشا تەل. 8-701-715-62-30. وڭتۇستىك-شىعىس شاعىن اۋدانى بويىنشا:8-702-4444-52-99، قوسىمشا تەل. 8-702-905-59-95، 8-777-077-77-89.

«ەسىل» اۋدانى: 8-701-121-25-35 («پريگورودنىي»، «زارەچنىي»، «تەلمانو»)،8-778-176-31-11(«ۇركەر»، «ۆوستوچنايا يلينكا»).

سوڭعى جاڭالىقتار

ۇقساس جاڭالىقتار